¿Kurhauaxakijtsï Biblieri grabasioniichani?

¿Ambeeskiksï Biblieri grabasioniicha? Jindeestiksï grabasioniicha jimbanhi Biblieri Traducción del Nuevo Mundo, enga sánhani arini jaka sánderu uánikua idiomeecha jimbo uérani. Ma ambe enga újka eskaksï grabasioniicha sési járhaaka, jindeesti eskaksï erachiicheeri ka pirenchiicheeri bosiicha úranhasïnga para mándani personaji enga Biblia uandajka. Ístu, erachiichaksï sési arhintasïndi ka imani pʼikuarhinhikuecha jingoni enga uétarhikuarhijka parachi úni kurhanguni ambe enga Biblia jorhentpijka.

¿Andisï marhuajki kurhaani Biblieri grabasioniichani? Uánikuechani engaksï pʼindeka Biblieri grabasioniichani kurhauani jarhuataasïndi eranhaskani ambe engaksï kurhaani jarhajka. Engaksï kurhauajka mándani personajicheeri bosi, úsïndiksï eranhaskani ambe engaksï kurhaani jarhajka ka sánderuksï sési kurhangusïndi ambe enga karakata jaka (Pr 4:5). Ka máteruechaksï uandasïndi eskaksï i grabasioniicha sési pʼikuastantaasïnga engaksï uandanhiani jarhajka (Sl 94:19).

Kurhaani Biblieri grabasioniichani uaatiksïni kánikua jarhuatani chaari tsípikuarhu (2Cr 34:19-21). ¿Jarhaski Biblieri grabasioniicha iámu o ma parti idioma ma jimbo enga chá kurhangujka? ¿Nájtsï exesïni parajtsï ueenani sánderu seguidu kurhauani Biblieri grabasioniichani?

ENGAJTSÏ EXEAKIA BIDEUNI AMBE ENGA XÁNI ÚNHAJKA PARA BIBLIA GRABARINHANI (MA PARTI), MÓKUNTA JE ARINI KURHAMARHIKUANI:

¿Ambeksïni sánderu ísku pakataski ima ambeeri enga únhajka para Biblia grabarinhani?