Jorhenguarhi je néna sánderu sési aianhpeni: Predikarikua je imani kʼuiripuechani engaksï no újka exeni

ANDISÏ JUKAPARHAKUE. Uánikua kʼuiripuecha engaksï no újka exeni nóksï agustu pʼikuarherasïndi imani kʼuiripu jingoni uandontskuarheni engaksï no míteka. Jimbochisï jatsika para jirinhakuntani néna uandontskuarhekuani. Jeoba xénchaasïndi imani kʼuiripuechani engaksï no újka exeni ka uandanhiasïndi imecha jimbo (Le 19:14). Ju je májkueni úni eska Jeoba ka ju je jirinhantaani parachi jarhuataani míteni Tata Diosïni.

NÉNA ÚNI

• Uéna je jirinhantaani (Mt 10:11). ¿Míteskijtsï nemani enga jatsika parientini ma enga no újka exeni? Jimesïsï engajtsï aianhpijka, ¿jarhaski eskuela ma o máteru lugari nani engaksï uékapiringa jatsiani publikasionichani para imecha engaksï no újka exeni?

• Xarhata je eskajtsï uandanhiasïnga imechani jimbo. Engajtsï cha sési uandajpaska ka uandanhiani imani jimbo, kʼuiripu agustu pʼikuarheraati. Imeri ambe uandontskuarheku je ambe engaksï jimesïsï anapuecha tsitipiringa míteni.

• Jarhuataa je paraksï míteni Jeobani. Para jarhuataani imani kʼuiripuechani engaksï no újka sési exeni, juchari organisasioni mámaru járhati publikasionichani petaastia engaksï jindeka para imecha. Kurhamarhi je kʼuiripuni na jásï publikasioni jingoni tsitipirini jorhenguarhini. Ima enga orhejtsïkujka aianhpekuani, jatsisti para exeni eska ima erachi enga publikasionicheri ambe exejka kurhajkuarhiauaka ima járhati publikasionichani enga kʼuiripu sánderu tsitiaka.