JU JE SÁNDERU AMBAKITI JORHENTPIRICHENI | SÁNDERU TSÍPIKUA JINGONI AIANHPI JE
Ambakiti kurhamarhikuechani úraa je
Jeoba, Tata Diosï enga felisika, uékasïndi eskachi jucha sési pʼikuarheraaka aianhpini (1Ti 1:11, TNM). Sánderuchi sési pʼikuarheraaka aianhpini engachi jorhenguarhiska sánderu sési aianhpini. Kurhamarhikuechaksï úsïndi eskaksï kʼuiripuecha uékaaka kurhaani ka jarhuatasïndijtsïni para uénani uandontskuarheni nema jingoni. Ístu jarhuatasïndi kʼuiripuni para eratsentani ka para kurhanguni (Mt 22:41-45). Engachi kurhamarpiska ka engachi jingontku kurhaaska mókuntskuani, ísïsti komu arhini kʼuiripuni eskachi uandanhiasïnga imani jimbo (Snt 1:19). Ambe engajtsïni mókuchintaaka kʼuiripu, jarhuataatijtsïni parachi míteni amberichi uá seguirini uandontskuarheni.
ENGAJTSÏ EXEAKIA BIDEUNI TSÍPIKUARHITA MÁESTI KʼUIRIPUECHANI JORHENDAANI. JU JE SÁNDERU SÉSI AIANHPINI: JU JE AMBAKITI KURHAMARHIKUECHANI ÚRAANI, MÓKUANTA JE ARINI KURHAMARHIKUECHANI:
¿Na jásï kʼuiripu máespi Corali?
¿Ambe úspi Rita para xarhatani eska uandanhiasïrenga Corali jimbo?
¿Ambe kurhamarhispi Rita, Coralini paraka uékapiringa sánderu ambe míteni Tata Diosïri Reinueri ambe?
¿Ambe kurhamarhispi Rita, Coralini paraka ima úpiringa kurhanguni?