Jiókuarhi je jarhuajperata engajtsïni Tata Diosï Jeoba íntskujka kómarhikua jimbo

Tata Diosï Jeobasï újti eska jurhimbikua niárakuauaka mintsitarhu kʼuiripuechani (1Ko 3:6-9). Ísï jimbo, engachi uéjka eskajtsïni sési nicheaka aianhpikuarhu, jatsiskachi para mintsinharhini eskajtsïni ima jarhuataaka juchantsïni ka ístu juchaari jorhenguarhirichani.

Meru imani ambe kurhajkuarhi je enga uétarhijka. Kurhaku je Tata Diosï Jeobani eska jarhuatauaka chaari jorhenguarhirichani parakaksï orhepani uérakuauaka uandanhiatechani ka problemechani engaksï iásï jatsiajka (Flp 1:9, 10). Kurhaku je eskaksïni espiritu santu jarhuataaka parakajtsï míteaka ambe engajtsï jatsika para eratseni ka ambe engajtsï jatsika para úni (Lu 11:13). Jorhendaa je jorhenguarhirichani na engaksï jatsika para kómarhini ka arhia je eskaksï ísï uaaka. Kómarhi je imeecha jingoni ka kómarhijpikua je úraparini imeecheri nombrini.

ENGAJTSÏ EXEAKIA BIDEUNI TSÍPIKUARHITA MÁESTI KʼUIRIPUECHANI JORHENDAANI. JU JE JIÓKUARHINI JEOBAERI JARHUAJPERATA: KÓMARHIKUA, MÓKUANTA JE ARINI KURHAMARHIKUECHANI:

• ¿Ambe uandanhiata jatsispi Rita enga jorhendani japka Biblieri ambe Coralini?

• ¿Néna jarhuataspi Ritani ambe enga arhijka 1 Korintu 3:6?

• ¿Néna úspi orhepani uérakuni uandanhiatani?