JU JE SÁNDERU AMBAKITI JORHENTPIRICHENI | SÁNDERU TSÍPIKUA JINGONI AIANHPI JE
Jarhuataa je jorhenguarhirichani paraksï nóteru únia ambe enga no sési jaka
Parakaksï jorhenguarhiricha niáraaka sési pájperani Tata Diosï Jeoba jingoni, jatsistiksï para nóteru úni imani ambe enga no sési jaka (1Pe 1:14-16). Engaksï nóteru úskia indeni ambe, jamberiksï uaati sánderu sési irekani, nóksï xáni pʼamenchani, o nóksï xáni uandanhiani sentabu jimbo.
Mátirku arhia je chaari jorhenguarhirichani nákiskiksï Tata Diosï Jeobaeri juramukuecha, andiksïsï jatsi para kurhajchaani ka na enga marhuakuauaka engaksï ísï úska. Jarhuata je parakaksï imeecha mójtakuaka imeecheri eratsekuani ka tátsekua imeechaksï sánhani arhiati úkuecha jingoni xarhatani eskaksï mójtakurhixaka (Ef 4:22-24). Arhia je eska Tata Diosï Jeoba méntkisï jarhuatauaka paraksï imeecha nóteru úni ambe ma enga no sési jaka, nájkirukaksï pʼindepkia ísï úni (Flp 4:13, TNM). Jorhendaa je paraksï jirejiresï jarhuajperata kurhakuni Tata Diosï Jeobani jiáni engaksï uékani jauaka no sési ambe úni. Jarhuataa je parakaksï imeecha exeaka ambe enga úpiringa no sési ambe úraani ka pʼímarhia je paraksï imani ambe úni enga marhuakuauaka. Kánikuajtsï sési pʼikuarheraaka engajtsï exeaka eska Tata Diosï Jeobaeri jarhuajperata jimbo, chaari jorhenguarhiricha mójtakurhixaka.
ENGAJTSÏ EXEAKIA BIDEUNI JU JE JARHUATAANI JORHENGUARHIRICHANI PARAKSÏ JURAJKUNI IMANI AMBE ENGA JEOBA KURHUNHIJKA, MÓKUANTA JE ARINI KURHAMARHIKUECHANI:
¿Ambeksï úspi orhejtsïkuticha ka Rita enga Coral arhiapka eska mariuana úrasïreenga?
¿Ambe úspi Rita para jarhuatani Coralini?
¿Ambe úspi Corali paraka Tata Diosï Jeoba jarhuatapiringa?