Jarhuataa je chaari jorhenguarhirichani paraksï Tata Diosï Jeobaeri amigueni

Tata Diosï Jeoba uékasïndi eskachi uékperakua jimbo marhuakuaka (Mt 22:37, 38). Engaksï jorhenguarhiricha xénchaska Tata Diosïni, i ambe jarhuatauati paraksï mójtakurhini ka paraksï úni orhepani uérakuani uandanhiatechani ka paraksï niárani itsï atakuarhini (1Jn 5:3).

Jarhuataa je chaari jorhenguarhirichani kurhanguni eska Tata Diosï Jeoba xénchaasïnga. Uaakajtsï kurhamarhiani: “¿Ambeksïni jorhendasïni i ambe Tata Diosïri?” o “¿Néna xarhatasïni i ambe eskaksïni Tata Diosï Jeoba xénchasïnga?”. Jarhuataa je parakaksï imeecha exeaka na enga Tata Diosï Jeoba jarhuataani jaka (2Cr 16:9). Aiangua je na enga Tata Diosï Jeoba mókuantaka chaari kómarhikuechani ka pʼímarhia je parakaksï imeechajtu exeaka na enga mókukuantani jaka imeechani. ¡Kánikuajtsï sési pʼikuarheraaka engajtsï exeaka eska chaari jorhenguarhiricha ka Tata Diosï Jeoba amigueska ka eskaksï xénchperasïnga!

ENGAJTSÏ EXEAKIA BIDEUNI JU JE JARHUATAANI JORHENGUARHIRICHANI PARAKSÏ JEOBAERI AMIGU ÚKUARHINI, MÓKUANTA JE ARINI KURHAMARHIKUECHANI:

• 

  ¿Ambe nitamakuarhixapi Coral?

• 

  ¿Néna jarhuataspi Rita?

• 

  ¿Ambe úspi Coral para orhepani uérakuni uandanhiatani?