JU JE SÁNDERU AMBAKITI JORHENTPIRICHENI | SÁNDERU TSÍPIKUA JINGONI AIANHPI JE
Úraa je ejempluechani parajtsï sési jorhentpini
Engachi nirajka pʼorhembintani nemani o engachi Bibliaeri ambe jorhentpini jarhajka, jatsiskachi para jarhuatani kʼuiripuni paraka kurhanguaka sánderu jukaparhakua ambe. Engachi úraaska ejempluechani, uákachi mintsitarhu niárakuani ka imaksï no mirikurhiati ambe engaksï jorhenguarhini jaka.
Engajtsï prepararikuarhini jauaka para nemani pʼorhembintani o Bibliaeri ambe jorhendani, eraku je imani ambe enga sánderu jukaparhakueka ka no ima ambe enga no xáni jukaparhakueka. Tátsekua, erakua je ejempluechani engachi pauani pauani nitamakuarhiajka (Mt 5:14-16; Mr 2:21; Lu 14:7-11). Eratsenta je ambe enga mítekia kʼuiripu ka ambe enga nitamakuarhini jaka (Lu 5:2-11; Jn 4:7-15). Sésijtsï pʼikuarheraaka enga kʼuiripu xarhanharhiaka eska sési kurhanguska ambe enga jorhenguarhini jaka.
ENGAJTSÏ EXEAKIA BIDEUNI TSÍPIKUARHITA MÁESTI KʼUIRIPUECHANI JORHENDAANI. JU JE SÁNDERU SÉSI AIANHPINI: JU JE EJEMPLUECHANI ÚRAANI PARACHI SÉSI JORHENTPINI, MÓKUANTA JE ARINI KURHAMARHIKUECHANI:
¿Andiksïsï kʼuiripuecha jarhuajperata uétarhinchajki paraksï úni kurhanguani Bibliaeri karakatechani?
¿Náki ejemplu úraspi Rita para úni uandani ambe enga arhikuekajka Roma 5:12?
Ambakiti ejempluechaksï mintsitarhu niáratspesïndi.
¿Nénaksï uá ambakiti ejempluecha jarhuataani kʼuiripuechani?
¿Andichisï jatsi para úraani bideuechani ka máteru publikasionichani engajtsïni organisasioni íntsaajka para jorhentpini?