JU JE SÁNDERU AMBAKITI JORHENTPIRICHENI | SÁNDERU TSÍPIKUA JINGONI AIANHPI JE
Tsípikua jingoni jorhentpi je
Engachi tsípijka ístuchi úsïnga eskaksï máteruecha tsípiaka ka i ambe uáti úni eskaksï kʼuiripuecha uékaaka kurhaani ambe engachi aianguauaka. Ístu, engachi tsípikua jingoni jorhentpijka xarhatani jarhasïngachi eskachi jukaparharasïnga ambe engachi jorhentpijka. No arhiparini nani engachi anapueka o na engachi jásïuaka iáminduechani uáka tsípikua jingoni aianhpini (Ro 12:11). ¿Nénachi uá ísï úni?
Orheta, eratsentsï je na enga xáni jukaparhakueka inde ambe engajtsï aianhpini jaka. Chájtsï kʼéri kóntperata ma jatsiska “aianhpini ambakiti aianhperakuani” (Ro 10:15). Ístu, eratsenta je na enga jarhuatajka ambakiti aianhperakua imechani engaksï kurhaajka. Kʼuiripu uétarhinchaxati kurhaani ambe engachi jucha uékani jaka aianguani (Ro 10:13, 14). Ka máteru ambe, mintsita jingoni uanda je. Eska chári kánharhikua ka ademanicha xarhataaka eskajtsï jakajkusïnga ambe engajtsï jorhentpini jaka.
ENGAJTSÏ EXEAKIA BIDEUNI TSÍPIKUARHITA MÁESTI KʼUIRIPUECHANI JORHENDAANI. JU JE SÁNDERU SÉSI AIANHPINI: JU JE TSÍPIKUA JINGONI JORHENTPINI, MÓKUANTA JE ARINI KURHAMARHIKUECHANI:
¿Andisï Rita nóteru xáni tsípikua jingoni jorhendani japia Bibliaeri ambe Coralini?
¿Ambe jarhuataspi Ritani paraka ménderu tsípikua jingoni jorhentpipiringa?
Engachi tsípijka ístuchi úsïnga eskaksï máteruecha tsípiaka.
¿Andichisï jatsi para ambakiti ambe exekuani imechani engajtsïni kurhajchajka?
¿Néna jarhuataua juchari jorhenguarhirichani ka máteru kʼuiripuechani engachi jucha tsípikua jingoni aianhpiska?