KRISTIANUECHEERI IREKUA
¿Preparadujtsï jarhaskia para jiáni enga úkua jukaaka sentabu ambe jimbo?
Jimbokachi irekaxaka últimu parti últimu jurhiatikuecheeri, nójtsïni ísku pakatasïndi enga iámu parhakpinirhu xáni úkua jukaka sentabu ambe jimbo. Ístu Bibliajtsïni arhisïndi eskachi no mintsikaaka “jatsikuarhekuani enga sóntku kʼamarajka” (1Ti 6:17; 2Ti 3:1). ¿Nénajtsïni jarhuatasïni rei Jeosafatiiri ejemplu preparadu jarhani para jiáni enga úkua jukaaka sentabu ambe jimbo?
Jeosafati mintsikaspti Tata Diosï Jeobani engaksï imeeri enemiguecha nípka uarhipeni imani jingoni (2Cr 20:9-12). Ístu tʼuini úsptia ambe ma para kuájchakuni iretani: kʼérati bardeechani uaaspti ireteecharhu ka sondaduechani grupuechani jimbo peeraspti (2Cr 17:1, 2, 12, 13). Ka juchajtuchi sési úsïnga engachi mintsikajka Tata Diosï Jeobani ka engachi újka ambe ma ante de úkuarhini ambe ma.
ENGATSÏ EXEAKIA BIDEUNI ¿NÉNACHI UÁ PREPARARIKUARHINI PARA JIÁNI ENGA NO SÉSI JÁSÏ AMBE ÚKUARHIAKA?, MÓKUANTA JE ARINI KURHAMARHIKUECHANI:
¿Ambejtsï uaa úni parajtsï preparadu jarhani para jiáni enga no sési ambe úkuarhiaka?
¿Ambejtsï uaa úni parajtsï preparadu jarhani parajtsï máteruechani jarhuataani?