KRISTIANUECHERI IREKUA
Ju je listu jarhani para últimu parti ‘últimu jurhiatikuecheri’
Míteskachi eska enga na kʼamakurhini jauakia ‘últimu jurhiatikuecha’, sánhani arhiaka sánderu no sési jánhaskuarhini (2Ti 3:1; Mt 24:8). Sáno méntkisï Jeobaeri ireta arhinhasïndi ambe enga uáka para kuájchakukuarhini jiáni enga no sési ambe úkuarhiaka. Engachi úska ambe engachi arhinhaaka ka desde iásïchi prepararikuarhini ka sánderuchi andarhierani Jeobani ka engachi listu jatsiakia ambe ma, uákachi orhepani uérani jiáni enga no sési jásï ambe úkuarhiaka (Lu 16:10).
Sánderu andarhierani Jeobani. Pʼinde je arhintani Bibliani ka jatsi je chári jorhenguarhikua Bibliaeri. Jánguarhintsï je mámaru aianhpini. Engajtsï ma tiempu no uáka márku jarhani kúnguarhikuarhu anapuecha jingoni, asï ché je (Is 30:15). Miá je eska Jeoba ka Jesusi méntkisï chánksïni jingoni jauaka (od-S páj. 175, 176 párr. 15-17).
Listu jatsini ambe ma: Mándani kʼumanchikuarhu jatsisti para mochila ma jatsini imani ambe jingoni enga sánderu uétarhijka, joperu ístu jatsisti para tʼirekua jatsini, itsï, medisina ka máteru ambe enga familia uétarhinchaaka engaksï ma repentku jatsipiringa para ióni sáni pakarani kúmanchikuarhu (Pr 22:3; g17.5-S páj. 4, 6).
ENGAJTSÏ EXEAKIA BIDEUNI ¿NÉNACHI UÁ PREPARARIKUARHINI PARA JIÁNI ENGA NO SÉSI JÁSÏ AMBE ÚKUARHIAKA?, MÓKUANTA JE ARINI KURHAMARHIKUECHANI:
¿Nénachi uá sánderu sési pájperani Jeobani jingoni para jiáni enga no sési jásï ambe úkuarhiaka?
¿Andisï xáni jukaparhakue...
... aianguani juchari ambe orhejtsïkutichani?
... listu jatsini mochila ma imani ambe jingoni enga uétarhiaka?
... uandontskuarheni ambe ka ambe úpirini úkuarhini jimesïsï engachi irekaka ka ambechi úpirini úni?
¿Náki tanimu ambechi uá úni parachi jarhuataani máteruechani?
KURHAMARHIKUARHI JE: “¿Nénarini jarhuataski i pʼamenchakua COVID-19 parani sési preparadu jarhani?”.