Chájtsï uaaka úni eska chaari familia tsípikua jingoni irekaaka

Tata Diosï Jeoba uékasïndi eskaksï familiecha tsípikua jingoni irekaka (Sl 127:3-5; Ec 9:9; 11:9). Peruchi ménichani kánikua uandanhiani jarhasïnga, o úsïngachi ambe ma enga no sési jaka, ka inde ambe úpirindi úni eska familia nóteru tsípikua jingoni irekaakia. ¿Ambe uaa úni mándani familiarhu anapu paraksï iáminduecha úni tsípikua jingoni irekani?

Ambakiti uámba ma janhanharhisïndi témbani (1Pe 3:7). Arhutasïndi tiempu para imani jingoni jarhani, no jukari ambe kurhakusïndi ka xarhatakusïndi eska jukaparharasïnga iámindu ambe enga újka imani jimbo ka ístu familia jimbo (Kol 3:15). Arhisïndi na enga xáni xénchajka ka sési arhisïndi (Pr 31:28, 31).

Ambakiti témba ma jánguarhintasïndi jarhuatani uámbani (Pr 31:12). Kurhajchasïndi ka jarhuatasïndi (Kol 3:18). Respetu jingoni arhisïndi ambe ma ka sési ambe uandasïndi imeeri ambe (Pr 31:26).

Ambakiti taatiichaksï tiempu arhutasïndi para imeecheeri uájpeecha jingoni jarhani (Dt 6:6, 7). Arhiasïndiksï na engaksï xáni xénchaajka (Mt 3:17). Mítestiksï káni ka néna jurhimberaantani, ka méntkisïksï uékperakua jingoni ísï úsïndi (Ef 6:4).

Ambakiti uájpeechaksï janhanharhiasïndi ka kurhajchaani imeecheeri taati jémbeechani (Pr 23:22). Ístu, aianguasïndiksï ambe engaksï eratsejka ka na engaksï pʼikuarherajka. Jiókuarhisïndiksï engaksï jurhimberanhantajka ka respetu xarhatakuasïndiksï (Pr 19:20).

ENGAJTSÏ EXEAKIA BIDEUNI NÉNA UÁ JUCHARI FAMILIA TSÍPIKUA JINGONI IREKANI, MÓKUNTA JE ARINI KURHAMARHIKUANI:

¿Ambe úspi mándani familiarhu anapu paraksï iáminduecha tsípikua jingoni irekani?