¿Andiksïsï útasï jaki guerrecha ka atajperakuecha?

PEKADU

Tata Diosï kueraaspti Adáni ka Ebani ísï eska ima na jásïika. I ambe arhikuekasïndi eskaksï imeechajtu májkueni uékapiringa jatsini pínandikua ka xénchpeni (Génesis 1:27; 1 Korintu 14:33; 1 Juanu 4:8). Joperu imeechaksï no kurhajchaspti Tata Diosïni ka pekariisptiksï. Ka jimbokachi jucha imeecheeri uájpeeska, kéritastijtsïni pekaduni ka uarhikuani (Roma 5:12). Pekadu jimbo, atajperakua ambechi eratsesïnga ka niárasïngachi ísï úni (Génesis 6:5; Markusï 7:21, 22).

JURAMUTIICHA

Tata Diosïjtsïni no kueraasti parachi úni juramukuarhini. Biblia uandasïndi: “Kʼuiripu enga xanharani jaka ni sikiera sésikua jatsi para exeni nani enga ísï jatsika para xanharani” (Jeremías 10:23). Jimboksïsï juramutiicha no újti úni eskaksï nóteru jauakia guerrecha ni atajperanhani.

SATANÁSI KA IMEERI DEMONIUECHA

Biblia uandasïndi eska “iámu parhakpini Noambakitiiri jájki jimbo jarhaska” (1 Juanu 5:19). “Noambakiti” Satanásiisti ka uándikpitiisti enga no sáni pʼamojpejka (Juanu 8:44). Ima ka demoniuechaksï úsïndi eskaksï kʼuiripuecha guerrechani jatsiauaka ka atajperanksï (Apokalipsisi 12:9, 12).