¿Míteskiri para ambeksï marhuasïni letra sapirhatiicha?

Engajtsï arhintani jauaka Bibliani Traducción del Nuevo Mundo, i Biblia letra sapirhatiichani jukaasti máru palabrecharhu. ¿Míteskiri para ambeksï marhuasïni? Jarhuatasïndijtsïni parachi sánderu sési kurhanguni bersikuluni ma. I letra sapirhatiichajtsïni exerasïndi eska máteru parti Bibliarhu sáno májkueni ambe uandasïnga o eska terukuntasïnga. Engari sïrandarhu arhintani jauaka, uaakari exeni eska pájinarhu ma, terujkanikuarhu jarhaska inde letra sapichu. Ka engari pájinarhu jw.org o JW Library^® jimbo arhintani jauaka, solu uaakari jaiaskuni letra sapichuni enga palabrarhu jaka ka ×máteru bersikulu jirejiresï xarharaati.

Ju exeni para ambeksïni xáni marhuachia i letra sapirhatiicha:

Bersikuluecha engaksï sáno májkueni ambe uandantajka: Letra sapirhatiichaksïni paati máteru karakateecharhu enga sáno májkueni ambe uandantajka. Pori ejemplu, 2 Samuel 24:1 letra sapichu ma jarhasti ka pásïndikini 1 Crónicas 21:1 jimbo.

Nani enga pʼitakata jaka bersikulu: Letra sapichu xarhatasïndi nani enga pʼitakata jaka. Pori ejemplu, Mateu 4:4 jukasti letra sapichu ma ka pásïndikini Deuteronomio 8:3 jimbo.

Profesia ka na enga kumplirikuarhika: Letra sapichukeni exerasïndi profesia ma ka nani enga uandajka na enga kumplirikuarhipka. Pori ejemplu, exe Zacarías 9:9 ka Mateu 21:5.