¿Né kuájchakuaua kʼuiripuechani? | ¿Ambe uandasïni Biblia?

Arini ambeksï aianhpisïndi Naciones Unidas:

•  Para 7 al 23 de oktubri de 2023 jimbo, jukari 6,400 uarhiriichaksï jarhasptia ka 15,200 kʼuiripuechaksï atakata jarhaspti guerra jimbo entre Gaza ka Israel. Ístuksï uánikua kʼuiripuecha máteru naniisï nirastia irekani.

•  Para 24 de septiembrini de 2023 jimbo, ma 9,701 kʼuiripuechaksï uarhistia guerra jimbo entre Rusia ka Ucrania ka 17,748 Ucrania anapu kʼuiripuechaksï atakata jarhasti.

¿Ambe uandasïni Biblia para uinhaperaantani imeechani engaksï kómu nitamakuarhini jaka guerra jimbo?

Ambakiti ambe úkuarhiati

Biblia uandasïndi eska Tata Diosï uaaka eska Echerirhu méntku nóteru jauakia guerra ambe (Salmo 46:9). Ka para ísï úni, kénditauati iámindu parhakpini anapu gobiernuechani ka imani peeraati enga auandarhu jaka, enga jindeeka imeeri Reinu (Daniel 2:44). Tata Diosïiri Reinu uaati eskaksï kʼuiripuecha iásï kʼóru agustu irekuarhiakia.

Exe je ambe enga uaaka tata Jesukristu enga jindeeka Rei Tata Diosïiri Reinuerirhu:

•  Jarhuataati “imani enga no jatsikuarheka ka enga jarhuajperata kurhajkuarhini jaka, ístu imani enga kaxumbitiika ka imani enga no jatsika né enga jarhuataaka. Pʼamojkuati imani enga kaxumbitiika ka imani enga no jatsikuarhirika, ka pʼímutantauati imechani engaksï no jatsikuarhirika. Kuájpiauati paraksï nóteru kómu nitamakuarhinia, nijtuksï no sési kánhani” (Salmo 72:12-14).

Imeeri Reinuni jimbo, Tata Diosï méntku mátirku kénditaati guerrani paraksï kʼuiripuecha nóteru kómu nitamakuarhinia nijtu kómu pʼikuarherani jimbokaksï kʼuiripuecha no sési kámberasïnga.

•  “Ima kutsunharhikuauati iámu uekua, ka uarhikua nóteru jauatia, nóteru nema kómu pʼikuarheraatia ka nóteru nema ueraatia nijtu no sési pʼikuarherani. Ióntki anapu ambe nóteru jarhastia” (Apokalipsisi 21:4).

Sánderkusï kueratajtia para Tata Diosï mójtakuni iámu ambe ixú Echerirhu. ¿Nénachi míteski indeni ambe? Jimboka Biblia tʼuini uandaspkia eskachi ini jurhiatikuecha jimbo ‘kurhaapiringa eska uarhiperanhaxaka’ (Mateu 24:6). I ambe ka ístu máteru ambe enga úkuarhini jaka, xarhataxati eskachi “últimu jurhiatikuechani jimbo” irekaxaka engaksï no ióni jimbo kʼamajkunhaakia parhakpini anapu gobiernuecha (2 Timoteu 3:1).