Tata Jesukristu kʼamajkuauati no sési úriichani

Jesúsi sési mítetixati na enga no sési pʼikuarherakuarhijka engaksï no sési úriicha xáni no sési ambe útspijka ka enga ísï no jurhimbitku úkuarhiaka ambe ma. Imanksï chkuanderakua ambe jauatakuspti, ísku jatinksï jusgariispti, atasptiksï ka uándikusptiksï. Ka nájkiruka no ma ambeeri kulpa jatsipka, ima uékaspti “íntspini imeeri tsípikuani para uánikua kʼuiripuechani euajpiantani” (Mateu 20:28; Juanu 15:13). No ióni jimbo, uaati eska iámindu ambe sési úkuarhiaka Echerirhu ka mátirku kʼamajkuauati no sési úriichani jimboka ima jindeeska Rei Tata Diosïiri Reinurhu (Isaías 42:3).

Biblia uandasïndi na engaksï irekani jauakia kʼuiripuecha enga tata Jesukristu uaakia arini ambe:

• “No sési úrichaksï nóteru jauatia; ka exeakari nani engaksï japka ka imaksï nóteru jauatia. Peru echeri kaxumbiticheriuati, ka sésiksï pʼikuarheraati jimboka kánikua pínandikua jauaka” (Salmo 37:10, 11).

¿Nénachi uaa xarhatakuni tata Jesukristuni eskachi agradesidu jarhaska imani ambe jimbo enga útasï uaaka juchantsïni jimbo? Lukasï 22:19 jimbo, tata Jesukristu arhiaspti imeeri chúxapatiichani eskaksï mándani uéxurhini miántapiringa imeeri uarhikuani. Jimbochisï Jeobaeri testiguecha mándani uéxurhini tánguarhintajka parachi miántani imeeri uarhikuani. Pʼímarhisïngaksïni parajtsï nirani miántani tata Jesukristueri uarhikuani. Ka i tánguarhikua domingu 24 de marsuni de 2024 jimbo úkuarhiati.

Jirinha je nanijtsï uaa nirani parajtsï miántani tata Jesukristueri uarhikuani