Uikixkandani: Yasser Qudaih/Anadolu via Getty Images; jurhijkandani: RONALDO SCHEMIDT/AFP via Getty Images
¡MÉNTKISÏ JINGONTKU JA JE!
¿Na jatini kʼamakurhia uarhiperakua ambe? | ¿Ambe uandasïni Biblia?
“Tiempuestia para úni ambe ma paraka nóteru no sési jánhaskuarhiakia. Jatsiskachi para pʼíngukuarhini”, ísï uandaspti António Guterres enga jindeeka Secretario General de las Naciones Unidas jiáni enga Iráni bombeechani kʼuanijpaapka Israeli sábadu 13 de abrili de 2024 jimbo.
Ambe enga Oriente Medio úkuarhini jaka ejemplu máesti ima amberi enga iámu parhakpinirhu úkuarhini jaka.
“Iámu parhakpinirhu, iásï sánderu uarhiperanhaxatiia desde enga Segunda Guerra Mundial úkuarhipka ka i ambe uno de kada kuatru kʼuiripuechani no sési úkuaxati, meru uánikua kʼuiripuechani” (Consejo de Seguridad de las Naciones Unidas, 26 de eneru de 2023).
Nani enga uarhiperanhani jaka jindeesti Israel, Gaza, Siria, Azerbaiyán, Ucrania, Sudán, Etiopía, Níger, Myanmar ka Haití.a
¿Na jatini kʼamakurhia uarhiperakua ambe? ¿Parhakpinirhu anapu juramutiicha uaaksï úni eska jauaka pínandikua? ¿Ambe uandasïni Biblia?
Parhakpinirhu uarhiperanhaxati
Na enga jánhaskuarhi jaka iámu parhakpinirhu xarhatasïndi eska no ióni jimbo nóteru jauakia uarhiperakua ambe. Profesiechaksï uandasïndi eskaksï iásï japiringa guerrecha. Biblia arhisïndi ini jurhiatikuechani “eska nóteru ióni kuerataxakaia para kʼamajkunhani parhakpini” (Mateu 24:3).
“Chájtsï kurhauaka eska uarhiperanhaxaka [...]. Jimboka ireta ma uarhiperaaka máteru ireta jingoni ka juramukua ma máteru juramukua jingoni” (Mateu 24:6, 7).
Arhinta je artikuluni “¿Cuál es la señal de ‘los últimos días’ o ‘los tiempos finales’?” ka exe je na enga Biblia t’uini uandeengia eska inde ambe úkuarhipiringa.
Guerra ma enga kʼamajkuaka iámindu guerrechani
Biblia t’uini uandasïreendia eskaksï nóteru jauakia guerrecha. ¿Néna niáraa úkuarhini inde ambe? Kʼuiripuecha no uaati úni indeni ambe, sánderu sési Armajedonisï ísï uaati, uarhiperakua “Tata Diosïiri kʼéri jurhiatikua jimbo, ima Tata Diosï enga iámindu ambe újka úni” (Apokalipsisi 16:14, 16). Enga na nitamaakia i uarhiperakua Tata Diosï uaati úni eska parhakpinirhu jauaka pínandikua (Salmo 37:10, 11, 29).
Parajtsï sánderu míteni ima guerreri enga kʼamajkuaka iámindu guerrechani, arhinta je artikuluni “¿Ambeeski Armajedoni?”.
a ACLED Conflict Index: “Ranking violent conflict levels across the world” (Clasificación por nivel de violencia de los conflictos alrededor del mundo), enero de 2024.