¿Andijchisï irekani jaki?

Ambe enga Biblia uandajka

Uánikuechaksï i kurhamarhikuani mámaru úkuarhisïndi. Jamberi nema kurhamarhikuarhijti: “¿Andichisï ixú jaki?” o “¿Andichisï irekani jaki?”. Biblia uandasïndi eskachi irekaxaka parachi jindeeni Tata Diosïri amiguecha. Parachi úni sánderu sési kurhanguni, ju exe je exeni máru ambe jurhimbikueri enga Tata Diosïri Karakatarhu jaka.

• Tata Diosï jindeesti juchaari Kueraajpiri. Biblia uandasïndi: ‘Tata Diosïjtsïnisï kueraati, ka jucha imeeriska’ (Salmo 100:3; Jaŋaskuecha [Apocalipsis] 4:11).

• Kueraajpiri iámindu ambe ústi para ambe ma, ístu kʼuiripuni (Isaías 45:18).

• Tata Diosïjtsïni ísï kueraasti parachi “exeni eskachi uétarhinchasïnga imani”, ka ístu míteni andichisï irekani jaki (Mateu 5:3). Tata Diosï uékasïndi eskachi jánguarhintaaka para ísï úni (Salmo 145:16).

• Engachi jánguarhintajka míteni Tata Diosïni ka imeeri amigueni, xarhatani jarhasïngachi eskachi uétarhinchasïnga imani, ka i ambe jindeesti engachi uáka úni. Bibliajtsïni arhisïndi: “Andarhiera je Tata Diosïni, ka imajtujtsïni andarhieraati chánksïni” (Santiagu 4:8; 2:23).

• Parachi niárani Tata Diosïri amigueni, jatsiskachi para imani ambe úni engachi jimbo kueraanhaka. Bibliajtsïni sési aiangusïndi andijtsïnisï kueraa Tata Diosï: “Kánikua janhanharhi Tata Diosïni enga jurhimbitiika ka ú ambe enga ima juramujka, jimbokaksï ini ambesï jatsika para úni kʼuiripuecha” (Eclesiastés 12:13).

• Sánderu orhepatini, uaakachi exeni ambe enga Tata Diosï uékeenga úni ueenakuarhu juchantsïni jingoni, enga kénditaaka iámindu komu nitamakua ambe ka úni eskaksï irekaaka para méntkisï iámindu imeeri amiguecha, engaksï imani kómarhijka (Salmo 37:10, 11).