Ju je prepararikuarhini para Jesusiri uarhikuani miántani
Jurhiatikua 13 de nisani uéxurhini 33. Jesusi mítispti eska ima últimu chúrikuespka enga japiringa imeri amiguecha jingoni, ante de uarhini. Úntaspti Paskuani imecha jingoni ka tátsekua uaxastaspti jimbanhi miántskuani, enga jindeka Tateeri Sena. I miántskua enga xáni jukaparhakuepka uétarhisïrendi prepararini. Jimbosï axapti Pedruni ka Juanuni prepararini ambe ma (Luk. 22:7-13). Jiáni uératini, kristianuecha engaksï miántajka Jesusiri uarhikuani, prepararikuarhisïndiksï para i miántskua (Luc. 22:19, Traducción del Nuevo Mundo). ¿Ambe uétarhisïni úni parachi preparadu jarhani Jesusiri uarhikueri miántskuarhu enga úkuarhiaka 3 de abrilini?
Ambeksï uá úni eianhpiricha:
Arregluechani para íntspiani pʼímarperakuechani xáni eskachi xáni uáka.
Lista ma estudiecheri, familiaricheri, kompanieruecheri eskuelaeri ka ánchikuarhiteri, ka máteruecheri engachi uékajka pʼímarhiani.
Arhintani ka eratsintani Bibliaeri arhintskuarhu enga Jesusiri uarhikueri ambe uandajka.
Listu jarhani para sési erokaani imechani engaksï juuaka.