¿Prepararikuarhixakijtsïa para Miántskua?

Últimu Paskua enga Jesusi jatsipiringa kánikua jukaparhakuepirindi. Jimboka no ióni jimbo uarhipiringia, uékaspti úntani Paskuani imeri apostulicha jingoni para juramukuani eska jima para orhepatini, Tateeri Senanksï úntapiringa. Kurhakuspti Pedruni ka Juanuni eskaksï prebeniripiringa kuartuni ma (Lu 22:7-13; exe je imajenini enga uénakuarhu jaka). I ambejtsïni miátantasïndi eska jukaparhakueska listu jarhani para Miántskua, enga 27 de marsuni úkuarhiaka. Kúnguarhikua tʼuini exeatia né enga nitamataraaka arhijtsïkperatani, né engaksï paaka kurhinda ka binuni ka máteru ambe. Joperu juchaia, ¿ambechi uá úni parachi listu jarhania ima jurhiatikua?

Ju je prepararini juchari mintsitani. Ju je eratsentani Bibliaeri arhintskuani para Jesusiri uarhikuani miántani. Jarhasti programa ma foieturhu Karakata ma para mándani jurhiatikua. Ístu, jarhasti máteru programa enga sánderu ambe jukaka Programarhu para tánguarhikua abriliri de 2020 anapu. Engajtsï uéjka chári familia jingoni exeni na enga xáni jukaparhakueka euajpintskua, exentakajtsï sánderu informasioni ixú Índice de las publicaciones Watch Tower ka ístu Jarhuajperata paraksï Jeobaeri testiguecha estudiarini.

Ju je pʼímarhiani máteruechani. Ju je jarhuajpini xáni eskachi xáni uáka para etsakuani pʼímarperakuechani para Miántskua. ¿Néchanchi úpirini pʼímarhiani? Jamberi imechani engachi pʼorhembiantani jaka, engaksï ióntki Bibliaeri ambe jorhenguarhini japka, juchari parientichani ka imechani engachi míteaka. Orhejtsïkutichaksï jatsisti para pʼímarhiani imechani engaksï jarharika kúnguarhikuani. Ju je miáni eska enga nema uérakua anapueuaka, uákachi jirinhantani pájinarhu jw.org., nani enga úkuarhiaka ka na jandora jima enga ima anapueka. Jaiaskuku je jima enga arhijka JUCHARI AMBE ka tátsekua jima enga arhijka “Miántskua”.

¿Ambejtsï máteru ambe uá úni parajtsï preparadu jarhani?