¿Máteruni néni uá pʼímarhini?

Mándani uéxurhini, pʼímarhiasïngachi iámindu kʼuiripuechani paraksï nirani juchantsïni jingoni Miántani tata Jesukristueri Uarhikuani. Ísïsti, sáno iámindu kʼuiripuechani engachi pʼímarhiauaka, nóchi míteaska. Joperuchi ístu jatsiska para pʼímarhiani imechani engachi míteakia. Sánderu segurueuati eska kʼuiripu ma niuaka enga ima pʼímarhiska né enga ima míteka (yb08-S páj. 11 párr. 3; páj. 14 párr. 1). ¿Né ka nénchi uá pʼímarhini?

• Parientichani.

• Ánchikuarhitarhu o eskuelarhu anapu kompanieruechani.

• Besinuechani.

• Imani kʼuiripuechani engachi pʼorhembiajka o engachi Bibliaeri ambe jorhendaani jaka ka ístu imechani engaksï antesi jorhenguarhienga.

Ístu, orhejtsïkutichaksï pʼímarhiauati imechani engaksï nóteru aianhpijkia. ¿Ka ambejtsï uá úni engajtsï uéjka pʼímarhini nemani enga no jimesïsï irekaka? Jirinhanta je nani úkuarhia Miántskua jima no iauani enga ima kʼuiripu irekaka ka na jandoreua. Para jirinhantani, jaiaskuku je partirhu JUCHARI AMBE enga karhakua jukaka juchari pájinarhu jw.org ka tátsekua jaiaskuku je jima enga arhijka “Miántskua”. Enga jamberi niáraaka ima jurhiatikua enga xáni jukaparhakueka, eratsenta je né ka néjtsï uékasïni pʼímarhini ka ísï ú je.