¿Tata Diosïri Reinu jindeeski ambe ma engachi mintsitarhu pájka?
Ambe enga Biblia uandajka
Tata Diosïri Reinu no ima ambeesti engaksï kristianuecha mintsitarhu pájka.a Bibliajtsïni sési aiangusïndi nani enga jaka, jimboka uandasïnga “auandarhu anapu Juramukua” (Mateu 4:17). Ístu uandasïndi eska juramukua máeska enga sési jimboeka ka enga juramuni jakaia auandarhu uératini. Ju je exeni.
Tata Diosïri Reinu jatsiasti juramutichani, imeechani enga juramukuauaka ka leichani, ístu, ánchikuarhita ma paraka úkuarhiaka ima ambe enga Tata Diosï uékajka auandarhu ka Echerirhu (Mateu 6:10; Jaŋaskuecha 5:10).
Tata Diosïri Reinu juramukuauati iámindu iretecharhu anapuechani, nasionichani, ka mámaru jásï idioma uandarichani engaksï Echerirhu jaka (Daniel 7:13, 14). No juramukua máesti engaksï iretecha erakuka, sino, Tata Diosïsï erakuti ka íntskusti juramukua para juramukuani kʼuiripuechani (Salmo 2:4-6; Isaías 9:7).
Jesúsi arhiaspti imeeri apostolichani engaksï no méni jurajkupka eskaksï imani jingoni japiringa Reinurhu enga auandarhu jaka. ¿Para ambe? Jesúsi mismu uandaspti: ʻParajtsï uaxaparhakuni juchiiti Juramukuarhuʼ, enga arhikuekajka, paraksï imani jingoni juramuni (Lukasʌ 22:28, 30).
Tata Diosïri Reinu kʼamajkuauati imeeri ikiatspitichani (Salmo 2:1, 2, 8, 9; 110:1, 2; 1 Korintu 15:25, 26).
Ísï jimbo, Biblia no jorhentpisïndi eska Tata Diosïri Reinu enga auandarhu jaka juramuaka juchaari mintsitecharhu uératini. Ísï jimbo, Tata Diosïri Reinu no jindeesti ambe ma engachi mintsitarhu pájka. Peru ambe enga Biblia jorhentpijka jindeesti eska “ambakiti aianhperakua Tata Diosïri Juramukueri” o “Tata Diosïri Juramukueri ambe” úsïngaksï ka jatsistiksï para jarhuatani juchaari mintsitani (Mateu 13:19; 24:14).
¿Andisï Jesúsi uandapi: ‘Tata Diosïri Juramukua chánksïni jingoni jarhastia’?
Máru traduksionicha Biblieri úrasïndi uandakuechani engaksï Lukasʌ 17:21 jimbo jaka komu “Tata Diosïri Reinu chaari mintsitecharhu jarhasti” (Biblia Americana San Jerónimo). Ísï jimboksïsï máru kʼuiripuecha eratsejti eska Tata Diosïri Reinu mintsitarhu jarhaska. Peru, parachi úni sési kurhanguni ini tekstuni uétarhisïndi eskachi exeaka ambe enga arhijka antesi ka ístu tátsekua.
Tata Diosïri Reinu no ima kʼuiripuecheri mintsitarhu jarhaspti engaksï uékeenga Jesúsini uándikuni
Jesúsi ini ambe arhiaspti fariseuechani, grupu ma relijioniri orhejtsïkuticheri engaksï ikiakuenga Jesúsini ka engaksï asta uékeenga uándikuni (Mateu 12:14; Lukasʌ 17:20). ¿Arhikuekaxapi eskaksï i kʼuiripuecha engaksï no sési úripka Tata Diosïri Reinuni imeecheri mintsitecharhu jatsipka? Nómbe, jimboka ima mismu arhiaspka: “Joperujtsï ísku apariska ka incharinisïjtsï uinirixaka no sési jásï ambe” (Mateu 23:27, 28).
Máteru Bibliecharuksï Lukasʌ 17:21 ísï tradusiristi eska námindu arhikuekajka. El Nuevo Testamento original arhisïndi: “Tata Diosïri Reinu chaari ma ladu jimbo jarhasti”, ka Traducción del Nuevo Mundo de las Santas Escrituras (con referencias) arhisïndi: “Jimboka Tata Diosïri Juramukua chánksïni jingoni jarhaskia”. Jimajkani, ¿ambe arhikuekaxapi enga arhijka eska Tata Diosïri Reinu enga auandarhu jaka ma ladu jarhaspka fariseuecha jingoni o imeecha jingoni? Eska Jesúsi, ima enga Tata Diosï erakupkia para reini, jima jarhaspka imeecha jingoni (Lukasʌ 1:32, 33).
a Uánikua iglesiechaksï uandasïndi eska Tata Diosïri Reinu kʼuiripuecheri mintsitecharhu jarhaska. Por ejemplu, jini Estados Unidos, la Convención de Bautistas del Sur, protestanticheri nombri ma enga kánikua mítekateka, uandaspti eska Tata Diosïri Reinu ístu jindeeska ambe ma “enga mintsitarhu juramujka ka kʼuiripueri tsípikua”. Ka imeecheri librurhu Jesús de Nazaret, papa Benedicto XVI uandaspti: “Tata Diosïri Reinu imani mintsita jimbo jurhasïndi enga kurhajchajka. I jindeesti imeeri xanharu”.