Хезмәттә яхшыра барыгыз
1. Беренче мәсихчеләрнең мисалы безгә хезмәттә яхшырырга кирәклеген ничек күрсәтә?
1 Мәсихчеләр хезмәттә яхшыра барырга тиеш. Шуңа күрә Гайсә үз шәкертләрен вәгазь эшенә даими рәвештә өйрәткән (Лүк 9:1—5; 10:1—11). Шул сәбәптән Әкил белән Прискиллә Аполлосны үзләре белән алып «Аллаһы юлын аңа төгәлрәк аңлатканнар» (Рәс. 18:24—26). Паул да тәҗрибәле вәгазьчене Тимутине, аның «алга китешен һәркемгә ачык күренеп торсын өчен», өйрәтү эшен дәвам итәргә чакырган (1 Тим. 4:13—15). Без яхшы хәбәр вәгазьчеләре буларак Аллаһыга күпме генә вакыт дәвамында хезмәт итмәсәк тә, безгә алда да үз осталыгыбызны яхшыртып торырга кирәк.
2. Без башкалардан ничек өйрәнә алабыз?
2 Башкалардан өйрән. Без үз осталыкларыбызны башкалардан өйрәнеп яхшырта алабыз (Гыйб. сүз. 27:17). Шуңа күрә хезмәттәшең кереш сүзләрне әйткәндә игътибарлы бул. Оста вәгазьчедән берәр конкрет киңәш сора һәм ул әйткәнне игътибар белән тыңла (Гыйб. сүз. 1:5). Сиңа кабат килеп китүләрне ясарга, Изге Язмалар өйрәнүләрен башларга я хезмәтнең башка төрендә катнашырга авырмы? Шул чакта инициатива күрсәт һәм төркем күзәтчесеннән яки башка берәр тәҗрибәле вәгазьчедән үзеңне өйрәтүен сора. Һәм шуны онытма: Йәһвәнең изге рухы сәләтләребезне үстерә ала, шуңа күрә моның турында догада өзлексез сора (Лүк 11:13).
3. Безгә киңәш бирелгәндә, аның турында сорамасак та, без моңа ничек карарга тиеш?
3 Сиңа хезмәтеңне яхшыртыр өчен киңәш бирелсә, һәм син хәтта аның турында сорамаган булсаң да, үпкәләмә (Вәг. 7:9). Аполлос сыман, андый ярдәмне басынкылык белән һәм рәхмәт хисе белән кабул ит. Алай эш итү акыллы булыр (Гыйб. сүз. 12:15).
4. Хезмәттә яхшыра барыр өчен, Гайсә нинди мөһим сәбәп китергән?
4 Уңышлар Аллаһыны данлый. Ачык мисал ярдәмендә Гайсә үз шәкертләрен хезмәттә яхшыра барырга дәртләндергән. Ул үзен йөзем агачы белән, ә үзенең майланган шәкертләрен ботаклар белән чагыштырган. Гайсәнең Атасы җимеш бирә торган һәр ботакны чистарта. Ни өчен? «[Ботак] күбрәк җимеш бирсен өчен»,— дигән Гайсә (Яхъя 15:2). Йөзем бакчасының хуҗасы йөзем агачының ботаклары мул уңыш бирүен тели. Йәһвә дә без «мактау корбанын» китерү сәләтебезнең үстерүен тели (Евр. 13:15). Без хезмәттә яхшыра барганда, бу нинди искиткеч нәтиҗәләргә китерә? Гайсә мондый җавап биргән: «Күп җимеш китерегез... шулай итеп Атам данлана» (Яхъя 15:8).