Киемнең кесә сыман өске өлеше

Изге Язмалар язылган чорда исраиллеләр киң кием кигәннәр. Ул киемне аның тукымасының бер өлеше бил өстеннән асылынып торырлык итеп киеп булган. Шул өлешне зур кесә сыман кулланып булган; анда кеше ашлык, акча я башка нәрсәләр сала алган һәм хәтта бала я бәрән йөртә алган (Чг 4:6, 7; Сн 11:12; 2Пат 4:39; Әп 31:33; Иш 40:11). Лк 6:38 дә «куеныгыз» дип тәрҗемә ителгән грек сүзе сүзгә-сүз «куеныгыз (күкрәгегез)» дигәнне аңлата, ләкин бу контекстта ул киемнең кесә сыман өлешен белдерә. «Куенга салып бирү» кайбер сатучыларның бу «кесәгә» сатып алынган әйберләрне тутыру гадәтенә күрсәтәдер.