Битзата сулыгы

Яхъя бәян иткән Яхшы хәбәрдә генә «Иерусалимда Сарык капкасы янында» урнашкан Битзата исемле сулык искә алына (Ях 5:2). Бу капка, күрәсең, Еврей Язмаларында искә алынган Сарык капкасы булган. Ул капка шәһәрнең төньяк-көнчыгыш почмагында урнашкан булган (Нк 3:1, 32; 12:39). Ә, бәлки, Яхъя искә алган «Сарык капкасы» Еврей Язмаларында искә алынган капкадан соңрак төзелгәндер. Гыйбадәтханә тавының төньягында зур сулыкның калдыклары казып табылган; ул Яхъя сурәтләгән сулыкка туры килә сыман. Казу эшләре барышында бу сулыкның ике өлештән торганы билгеле булган; ул якынча 46x92 м мәйданны биләп тора. Яхшы хәбәрдә сулык «биш колоннада белән уратып алынган» һәм анда «бик күп» авырулар һәм гарипләр ята иделәр дип әйтелә (Ях 5:2, 3). Сулыкның төньяк һәм көньяк өлешләрен аерып торган стена, күрәсең, биш колоннаданың берсен үз эченә алган, ә калган дүртесе сулыкның периметры буенча урнашкан булган.

1. Битзата

2. Гыйбадәтханә тавы