Бируя

Монда бүгенге көндәге Верия шәһәре (Греция) күрсәтелгән. Ул борынгы Бируя шәһәре торган урында урнашкан. Бируя шәһәренә Паул белән Силас килеп киткән булган. Бу шәһәр римлыларның билгеле зур юлыннан — Игнатий юлыннан — көньякка таба якынча 30 км ераклыкта һәм Тисалуникәдән көнбатыш-көньяк-көнбатышка таба якынча 65 км ераклыкта урнашкан булган. Бируядә яһүдләр дә, греклар да яхшы хәбәрне кабул иткән. Әмма, Тисалуникәдән тынычлык бозучы яһүдләр килгәч һәм Паулга каршы халык төркемен котырта башлагач, җирле шәкертләр аны шәһәрдән китәргә өндәгән. Ләкин Силас белән Тимути, яңа җыелышны ныгытыр өчен, берникадәр вакытка Бируядә калган (Рс 17:10—14). Үзенең икенче миссионерлык сәяхәте вакытында Македониянең уңдырышлы, ләкин күп көч таләп иткән өлкәсендә Паул килеп киткән соңгы шәһәр Бируя булган.