14 ДӘРЕС

Төп фикерләрне ассызыклау

Еврейләргә 8:1

МАКСАТ. Тыңлаучыларыңа нотыктагы фикер җебен югалтмаска булыш, һәр төп фикернең максат һәм темаң белән ничек бәйле булганын күрсәт.

КИҢӘШЛӘР:

Максатны билгелә. Нотыгыңның максаты тыңлаучыларга берәр төрле мәгълүмат җиткерергәме, аларны нәрсәгәдер ышандырырга яки дәртләндерергәме икәнен билгелә, һәм аны шул максатка туры китереп сөйлә. Бар төп фикерләрең максатыңа ирешергә булышсын.

Үзеңнән сора: «Тыңлаучыларыңның бу тема буенча нинди сораулары туарга һәм нәрсә белән алар ризалашмаска мөмкин? Нинди тәртиптә алар бу сорауларны бирер я ризасызлыкларын белдерер?» Һәм фикерләрне шул тәртиптә урнаштыр. Шулай итеп тыңлаучыларың фикерләрне аңлап һәм үзләштереп бара алыр.
Нотыгыңның темасына басым яса. Чыгышың дәвамында нотык темасының төп сүзләрен кабатлап я синонимнар кулланып, темаңны ассызыкла.
Төп фикерләрне ачык һәм гади итеп аңлат. Тема белән бәйле булган һәм бирелгән вакыт эчендә үзең ачыклый алган төп фикерләрне генә сайла. Төп фикерләр күп булмасын, аларның һәрберсен ачык итеп аңлат, алар арасында пауза яса һәм бер фикердән икенчесенә кискен күчмә.

Тыңлаучыларыңа нотыктагы фикер җебен югалтмаска булышыр өчен, төп фикерләрне кереш сүзләрдә әйтеп була я төп фикерләр исләрендә калсын өчен аларны нотык ахырында кабатла.