«Хак тәгълиматлар» китабын тәкъдим итәр өчен кереш сүзләр

Бу битләрдә «Хак тәгълиматлар» китабын тәкъдим итәр өчен кереш сүзләр китерелә. Аларны үз сүзләрең белән әйтеп бирсәң яхшырак булыр. Аларны шулай ук үзең яшәгән җирдәге кешеләргә яраклаштыр һәм китаптан тиешле материалны карап чык. Башка яраклы кереш сүзләрне дә кулланып була. («Безнең патшалык хезмәтебез», (рус) 2005 ел, гыйнвар, 8 бит. кара.)

Бәла-каза. Газаплар

◼ «Кеше берәр бәла-казага эләксә, Аллаһы безне ярата микән, газапларыбызны күрә микән дип шикләнә башлый. Сездә дә андый сорау туганы бармы? [Җавабын тыңла. Аннан соң 1 Петер 5:7 не һәм 11 нче биттәге 11 нче абз. укы.] Бу китапта ничек Аллаһы кешелекнең бар газапларын юк итәчәк икәне аңлатыла». 106 нчы биттәге кереш сорауларны күрсәт.

Гаилә

◼ «Бар кеше үз гаиләсенең бәхетле булуын тели, шулай бит? [Җавабын тыңла.] Инҗилдә гаиләбез бәхетле булсын өчен, без барыбыз да Аллаһы кебек бер-беребезне яратырга тиеш дип әйтелә». Эфеслеләргә 5:1, 2 не һәм 135 нче биттәге 4 нче абз. укы.

Гайсә Мәсих

◼ «Гайсә пәйгамбәр турында күп кешеләрнең ишеткәннәре бар. Кайберәүләр аны күренекле кеше, икенчеләре Ходай дип саный. Аның чыннан да кем икәнен белергә кирәкме? Сез ничек уйлыйсыз?» Җавабын тыңла. Аннан соң Яхъя 17:3 не укы һәм 37, 38 нче биттәге 3 нче абз. укы. 37 нче биттәге кереш сорауларга игътибар ит.

Дин

◼ «Күп кешеләр бу дөнья диннәре яхшылыкка караганда күбрәк зыян гына китерә дигән нәтиҗәгә киләләр. Дин кешеләрне дөрес юлдан алып барамы? Сез ничек уйлыйсыз? [Җавабын тыңла. Аннан соң Маттай 7:13, 14 не һәм 145, 146 нчы биттәге 5 нче абз. укы.] Бу бүлектә Аллаһы хуплаган дин турында әйтелә һәм аны билгеләүче 6 як карала». 147 нче битне ачып аларны күрсәт.

Дога

◼ «Аллаһы догаларыбызга ничек җавап бирә? Моның турында уйлаганыгыз бармы? [Җавабын тыңла. Аннан соң 1 Яхъя 5:14, 15 не һәм 170—172 нче биттәге 16—18 нче абз. укы.] Бу бүлектә шулай ук ни өчен без Аллаһыга дога кылырга һәм ул безне ишетсен өчен без нәрсә эшләргә тиеш икәне аңлатыла».

Изге Язмалар

◼ «Күп кешеләр Тәүрат белән Инҗилне Аллаһы Сүзе дип таныйлар. Ләкин аны кешеләр язган, алайса ничек ул Аллаһы Сүзе була ала? [Җавабын тыңла. Аннан соң 2 Петер 1:21 не һәм 19, 20 нче битләрдәге 5 нче абз. укы.] Бу китапта мондый сорауларга җавап бирелә». [6 нчы биттәге сорауларны күрсәт].

◼ «Безнең көннәрдә төрле-төрле киңәшләр ишетеп була. Әмма бәхетле һәм уңышлы тормыш алып барыр өчен, иң яхшы киңәшләрне кайдан табарга? [Җавабын тыңла. Аннан соң 2 Тимутегә 3:16, 17 не һәм 23 нче биттәге 12 нче абз. укы.] Бу китапта Аллаһыга яраклы булыр өчен һәм үз тормышыңны яхшыртыр өчен киңәшләр бирелә». 122, 123 нче битләрдәге рәсемне һәм рамканы күрсәт.

Йәһвә Аллаһы

◼ «Аллаһыга иман итүче күп кешеләр аңа якынрак булырга телиләр. Инҗилдә дә безне Аллаһыга якынлашырга чакыручы сүзләр язылган. Сезнең моның турында ишеткәнегез бармы? [Җавабын тыңла. Аннан соң Ягъкуб 4:8а ны һәм 16 нчы биттәге 20 нче абз. укы.] Бу китап кешеләргә Аллаһы Сүзеннән Ходай турында күбрәк белергә булыша». 8 нче биттәге кереш сорауларны күрсәт.

◼ «Күп кешеләр үз эшләрен „Бисмилләһир-рахмәнир-рахим“, ягъни „Шәфкатьле, рәхимле Аллаһ исеме белән“ дип башлыйлар. Ә Аллаһының исеме ничек? Сезнең моның турында уйлаганыгыз бармы? [Җавабын тыңла. Аннан соң 195 нче биттәге 1 нче абзацтан Мәдхия 82:19 ны укы һәм 2, 3 нче абз. укы.] Изге Язмаларда Йәһвә Аллаһы һәм аның кешелеккә карата нияте турында хакыйкать язылган. Сез моны бу китаптан белерсез».

Мәңгелек тормыш

◼ «Күп кешеләр сәламәт булырга һәм озак яшәргә тели. Ә сез, бу мөмкин булса, мәңге яшәргә теләр идегезме? [Җавабын тыңла. Аннан соң Ачылыш 21:3, 4 не һәм 54 нче биттән 17 нче абз. укы.] Бу китапта мәңгелек тормышны ничек алып була һәм бу вәгъдә үтәлгәч тормыш нинди булачак икәне турында әйтелә».

Сугышлар. Тынычлык

◼ «Бар кеше дә тынычлыкта яшәргә тели. Әмма бар кешеләр тынычлыкта яшәр дип өметләнү — бу хыял гына түгелме? Сез үзегез ничек уйлыйсыз? [Җавабын тыңла. Аннан соң Мәдхия 71:7 не укы.] Бу китапта ничек Аллаһы үз ихтыярын үтәп бар җирдә тынычлык урнаштырачак икәне турында әйтелә». 35 нче биттәге рәсемне күрсәт һәм 33, 34 нче битләрдәге 17—21 нче абз. карап чык.

Яшәр өчен урын

◼ «Күп илләрдә яшәр өчен уңайлы һәм кыйбат булмаган урын табу көннән-көн авырая. Кайчан да булса бар кешеләрнең дә уңайлы йортлары булырмы? Сез ничек уйлыйсыз? [Җавабын тыңла. Аннан соң 34 нче биттәге 20 нче абз. укы.] Бу китапта Аллаһының бу вәгъдәсе ничек үтәләчәк икәне аңлатыла».

Үлем. Терелтү

◼ «Күп кешеләрне кеше үлгәч, аның белән нәрсә була дигән сорау борчый. Бу сорауга җавап табып буламы? Сез ничек уйлыйсыз? [Җавабын тыңла. Аннан соң Вәгазьче 9:5 не һәм 58 нче биттәге 5, 6 нчы абз. укы.] Аллаһы Сүзендә үлгәннәр терелтелгән булачак дигән вәгъдә язылган, һәм бу китапта шул вәгъдә турында әйтелә». 75 нче биттәге рәсемне күрсәт.

◼ «Якын кешебез үлгәч, без аны юксынабыз, шулай бит? [Җавабын тыңла.] Күп кешеләргә Инҗилдә терелтү турында язылган сүзләр булыша [Яхъя 5:28, 29 ны һәм 72 нче биттәге 16, 17 нче абз. укы.] Бу бүлектә шулай ук мондый сорауларга җавап бар». [66 нчы биттәге сорауларны күрсәт].

Һармагедун

◼ «Күп кеше „Һармагедун“ дигән сүзне ишетсә, күз алдына коточкыч һәлакәтләрне китерә. Әмма аны түземсезлек белән көтәргә кирәк дисәләр, сез гаҗәпләнер идегезме? [Җавабын тыңла. Аннан соң Ачылыш 16:14, 16 ны укы.] Карагыз Һармагедуннан соң тормыш нинди булачак». 82—84 нче биттәге 21 нче абз. укы.

[5 биттәге рамка]

Ирекле иганәләр турында әйтер өчен киңәшләр

«Безнең бөтендөнья эшебез өчен кечкенә иганә бирергә, ягъни матди ярдәм күрсәтергә теләсәгез, мин аны шатлык белән кабул итәрмен».

«Басмаларыбыз бушлай тәкъдим ителсә дә, без бөтендөнья эшебез өчен бирелгән кечкенә иганә, ягъни матди ярдәмне кабул итәбез».

«Бәлки сездә дә безнең бөтендөнья эшебез өчен матди ярдәм кайдан килә микән дигән сорау тугандыр. Бу эш өчен иганәләрне, ягъни матди ярдәмне кешеләр үз теләкләре белән бирәләр. Сез дә шундый кечкенә иганә бирергә теләсәгез, мин аны шатлык белән кабул итәрмен».