«Шулай эшләгез» 5 апрельдә үтәчәк Искә алу кичәсе
1. Ни өчен Искә алу кичәсен үткәрү мөһим?
1 «Мине искә алу өчен шулай эшләгез» (Лүк 22:19). Бу сүзләрне әйтеп, Гайсә үз шәкертләренә үзенең корбан үлемен искә алырга кушкан. Йолым корбаны күп фатихалар китергәнгә, һәр ел үтә торган Искә алу кичәсе мәсихчеләр өчен иң кадерле көн. Бу елда Искә алу кичәсе 5 апрельдә үтәчәк һәм бу көн якынлашып бара. Без Йәһвәгә рәхмәтләребезне ничек белдерә алабыз? (Көл. 3:15)
2. Өйрәнү һәм уйлану ярдәмендә без Кичә өчен ничек үз рәхмәтләребезне белдерә алабыз?
2 Әзерлән. Гадәттә, без мөһим дип саналган вакыйгаларга әзерләнәбез. Ә Искә алу кичәсенә ничек әзерләнеп була? Гаилә белән Гайсәнең җирдәге соңгы көннәрендә булган вакыйгаларны карап чыгып алар турында уйлансак, без йөрәкләребезне Кичәгә әзерләячәкбез (Езра 7:10). Кайбер шигырьләрне календарьда һәм «Изге Язмаларны һәр көн тикшерү» дигән брошюрада табып була; ә шигырьләрнең тулы исемлеген «Гаилә бәхетен ничек сакларга?» дигән брошюраның 23—24 битләрендә табып була. Анда шулай ук «Җирдә яшәгән иң бөек кеше» (рус) китабыннан кирәкле бүлекләр китерелә.
3. Ничек без вәгазь эшендә мөмкин кадәр күбрәк вакыт катнашып, Кичә өчен үз рәхмәтләребезне белдерә алабыз?
3 Вәгазьлә. Шулай ук вәгазь эшендә мөмкин кадәр күбрәк вакыт катнашсак, Кичә өчен үз рәхмәтләребезне белдерәчәкбез (Лүк 6:45). Башкаларны Кичәгә чакыру буенча бөтендөнья кампаниядә 17 мартта, шимбә көнне башланачак. Син, вәгазьдә күбрәк вакыт катнашыр өчен, бәлки, ярдәмче пионер булып хезмәт итәр өчен, үз графигыңны үзгәртә аласыңмы? Киләсе Гаилә белән гыйбадәт кылу кичендә моның турында фикер алышсагыз, яхшы булыр иде.
4. Мәсихнең үлемен искә алу кичәсен үткәрү, безгә нинди фатихалар китерә?
4 Ел саен Мәсихнең үлемен искә алу кичәсенә килү зур фатихалар китерә. Аллаһы үзенең бердәнбер Улын йолым корбаны итеп китергән; аның андый юмартлыгы турында уйлаганда, безнең аңа карата яратуыбыз үсә һәм шатлыгыбыз арта бара (Яхъя 3:16; 1 Яхъя 4:9, 10). Бу безне инде үзебез өчен яшәмәскә дәртләндерә (2 Көр. 5:14, 15). Шулай ук бу безне Йәһвәне башкалар алдында тагы да күбрәк данларга этәрә (Мәд. 101:21—22). Әйе, Йәһвәнең рәхмәтле хезмәтчеләре түземсезлек белән Искә алу кичәсен көтә. Бу көнне безнең Раббы «үлемен игълан итәргә» мөмкинлекләребез булачак (1 Көр. 11:26).