«Йәһвә Шаһитләре: иман эшләре, 1 өлеш. Караңгылыктан»
Изге Язмаларда яктылык хакыйкать белән, ә караңгылык ялган белән чагыштырыла (Мәд. 42:3; Ишаг. 5:20). Шайтан, Хауваны алдаганда, дөньяга караңгылык алып килгән һәм ахыр чиктә караңгылыкны бөтен дөньяга тараткан (Ачыл. 12:9). «Йәһвә Шаһитләре: иман эшләре, 1 өлеш. Караңгылыктан» дигән фильмда рухи яктылыкның караңгылыктан беленә башлаганы күрсәтелә (Ишаг. 60:1, 2). Фильмны караганнан соң, түбәндәге сорауларга җавап бир.
1) Рәсүлләрнең үлеменнән соң, дөм караңгылык ничек тарала башлаган? 2) 1100 еллардан башлап кешеләргә чиркәүләр хакыйкатькә өйрәтми икәнен аңларга нәрсә ярдәм иткән? 3) Генри Гру һәм Джордж Сторрз кемнәр булганнар? 4) Чарлз Расселлның тормышындагы нинди вакыйгалар аңа зур йогынты ясаган? 5) Расселл кардәш, аның әтисе һәм аларның берничә танышы бергәләп Изге Язмаларны ничек итеп тикшергәннәр һәм Изге Язмаларга нигезләнеп нинди нәтиҗәләргә килгәннәр? 6) Ни өчен Изге Язмалар өйрәнү буенча бу төркем Нельсон Барборның төркеменә кушылган, һәм нәрсә аркасында Расселл кардәш бу төркемнән аерылырга булган? 7) Рухи яктылыкның яңа эрасы башланган 1879 елның июлендә нәрсә булган? 8) Бу вакыйгадан соң Изге Язмаларны тикшерүчеләрнең үсә барган төркеме яхшы хәбәрне таратыр өчен нәрсә эшләгән? 9) 1914 елга кадәр күп еллар элек Изге Язмаларны тикшерүчеләр нинди вакыйганы көткән? 10) Расселл кардәшнең үлеменнән соң Изге Язмаларны тикшерүчеләр нинди авырлыклар белән очрашкан? 11) Изге Язмаларны тикшерүчеләр, Рутерфорд кардәш һәм аның иптәшләре төрмәдән чыгарылганнан соң, нәрсә эшләгәннәр? 12) Бу фильмны караганнан соң, сезнең Йәһвә оешмасы өчен рәхмәтлелек хисегез никадәр үсте? 13) Ничек бу фильм авырлыкларга карамастан ашкынып вәгазьләргә дәвам итәргә тәвәккәллегегезне ныгытты? 14) Бу фильм ярдәмендә без туганнарыбызга, Изге Язмалар өйрәнүчеләребезгә һәм башкаларга ничек булыша алабыз?
Нинди кыйммәтле рухи мирас калдырганнар безгә Изге Язмаларны тикшерүчеләр! Алар рухи караңгылыкка баткан дөньяда кыю һәм ашкынучан яктылык таратучы булганнар. Әйдәгез, без дә, алар кебек, «яктылык кешеләре булып» яшик (Эфес. 5:8).