«Йәһвә Шаһитләре. Иман эшләре. 2 өлеш. Яктылык булсын»
1919 нчы елда Рутерфорд кардәш белән аның хезмәттәшләре төрмәдән азат ителгәч, Изге Язмаларны тикшерүчеләрне алда зур эшләр көткән. «Йәһвә Шаһитләре. Иман эшләре. 2 өлеш. Яктылык булсын» дигән фильмда күрсәтелгәнчә, Изге Язмаларны тикшерүчеләрнең каршы килүчеләре күп булган, аларның Изге Язмаларны аңлавы үсә барган, иманнары чистара барган (Гыйб. сүз. 4:18; Мал. 3:1—3; Яхъя 15:20). Бу фильмны караганнан соң, астагы сорауларга җавап бирә алыр идеңме?
1) Яхшы хәбәрне таратыр өчен Изге Язмаларны тикшерүчеләр нинди ысуллар кулланган? 2) 1931 һәм 1935 нче еллардагы тарихи конгрессларда нәрсә булган? 3) «Күзәтү манарасы» 1939 елның 1 ноябрь санында нинди мөһим мәгълүмат каралган булган? 4) «Мэдисон-Сквер-Гарден»да Рутерфорд кардәшнең «Хакимлек һәм Тынычлык» исемле нотыгы вакытында нәрсә булганын сөйләп бир. 5) Норр кардәшнең «Тынычлык күпме сакланачак?» дигән нотыгында нәрсә бигрәк тә кызыклы булган? 6) Яхшы хәбәр киң таралсын өчен 1942 нче елны Йәһвә Шаһитләре нәрсә планлаштырган? 7) Кушма Штатларда, Канадада һәм Грециядә үткән кайбер юридик көрәшләр турында сөйләп бир. 8) Вәгазь эше алга барсын өчен Галаад мәктәбе ничек булышкан? 9) 1946 нчы елда нинди мөһим эш башланган һәм ни өчен? 10) Йәһвә Шаһитләре тәртипләрен Изге Язмалар нормаларына туры китерер өчен нинди адымнар ясаганнар? 11) Оешма Изге Язмаларда әйтелгәнгә төгәлрәк иярер өчен, 1970 нче елларда ясалган кайбер үзгәрешләрне аңлатып бир. 12) Ничек бу фильмны карау сиңа Йәһвә барысын да күреп тора икәнен һәм бу оешма аныкы икәнен аңларга ярдәм итте? 13) Ничек бу фильм авырлыкларга карамастан вәгазьне ашкынып дәвам итәргә тәвәккәллегеңне ныгытты? 14) Ничек без бу фильмны туганнарыбызга, өйрәнүчеләребезгә һәм башкаларга ярдәм итәр өчен куллана алабыз?
Һәр көн Йәһвә Шаһитләренең тарихында яңа бит ачыла. Ә безнең хезмәттә куйган тырышлыкларыбыз тарихта нинди эз калдырыр? Әйдәгез, без дә элеккеге кардәшләр кебек ашкынучан булып, «яктылык балкывына» юл куйыйк (2 Көр. 4:6).