Йәһвәне күбрәк данлар өчен мөмкинлекләр
1. Безгә «Ходайны авызыбыз белән кычкырып данларга» нинди үзгәреш булышыр?
1 Бу елның март аеннан башлап ярдәмче пионерлар һәр ел март һәм апрель айларында 30 сәгать хезмәт итә ала. Шулай ук район күзәтчесе килеп китү ясаган айларны да ярдәмче пионерлар 30 сәгать хезмәт итә ала. Район күзәтчесенең килеп китү атнасының бер өлеше айның берсендә башланып икенчесендә тәмамланса, вәгазьче шул айның кайсысында теләсә, шул айны ярдәмче пионер булып хезмәт итә ала. Ярдәмче пионер булып хезмәт итүче кардәшләр район күзәтчесенең гомуми һәм махсус пионерлар белән очрашуын тулысынча тыңлый ала. Шулай итеп, безгә 50 сәгать вәгазьләү авыр булса, без елга дүрт тапкыр 30 сәгать вәгазьләп ярдәмче пионерлар булып хезмәт итә алабыз һәм «Ходайны авызыбыз белән кычкырып данлый» алабыз (Мәд. 108:30; 118:171).
2. Ярдәмче пионерлар район күзәтчесенең килеп китү вакытында нинди шатлык алачак?
2 Район күзәтчесенең килеп китү вакытында. Хәзер күбрәк вәгазьчеләр район күзәтчесенең килеп китү вакытында ярдәмче пионерлар булып хезмәт итә алыр һәм аның белән бергә хезмәттәшлек итеп бер-берсен дәртләндерер (Рим. 1:11, 12). Күп кенә ярдәмче пионерлар, бәлки, аның белән хезмәт итәр өчен, атна уртасында бер көн ял алырга булыр. Эш көннәрендә эштә булган ярдәмче пионерлар шимбә я якшәмбе көннәрендә район күзәтчесе белән вәгазьгә сөйләшә ала. Моннан тыш, ярдәмче пионерларга район күзәтчесе гомуми һәм махсус пионерлар белән үткәргән очрашуда булу зур шатлык китерәчәк!
3. Ни өчен Кичә алдыннан һәм аннан соң ярдәмче пионер булып хезмәт итү уңайлы?
3 Март һәм апрель айларында. Кичә алдыннан я аннан соң ярдәмче пионер булып 30 сәгать бер ай гына хезмәт итә алган кардәшләр хәзер «мактау корбанын» ике тапкыр күбрәк китерә алачак! (Евр. 13:15). Март һәм апрель — хезмәтебезне киңәйтер өчен һәм ярдәмче пионер булып хезмәт итәр өчен бик уңайлы айлар. Һәр ел шул айларда без кешеләрне Кичәгә чакырып шатлыклы кампаниядә катнашабыз. Өстәвенә, күпләр бу вакытта күбрәк вәгазьләргә тырышканга, безнең төрле кардәшләр белән вәгазьдә катнашырга мөмкинлегебез бар. Кичә үткәннән соң без Кичәгә килгән кешеләрнең кызыксынуларын үстерергә тырышабыз һәм аларны махсус ачык нотыкка чакырабыз. Ярдәмче пионер булып хезмәт итәр өчен бу өстәмә мөмкинлекләрне кулланырга сине үз йөрәгең дәртләндермиме? (Лүк 6:45).