Аудиоязмаларны ничек кулланырга?
1. Бастырылган басмалардан тыш, без нәрсәдән файдалана алабыз?
1 Күпләр рәсми сайтыбызга керә һәм төгәл итеп язылган хакыйкать сүзләрен укырга ярата (Вәг. 12:10). Ә аудиоязмалар турында нәрсә әйтеп була? Сез аларны кулланасызмы? Алар ярдәмендә сайтыбыздагы төрле мәкаләләрне һәм мәгълүматны тыңлап була. Без аудиоязмаларны ничек куллана алабыз?
2. Аудиоязмаларны шәхси һәм гаилә белән өйрәнү вакытында ничек кулланып була?
2 Шәхси һәм гаилә белән өйрәнүдә. Көндәлек эшләр белән шөгыльләнгәндә яки юлда барганда, Изге Язмаларны, брошюраларны һәм башка басмаларны тыңлау безгә вакытны яхшырак кулланырга ярдәм итә (Эфес. 5:15, 16). Гаилә белән өйрәнүебез кызыклы булсын өчен, теге я бу басманы өйрәнгәндә, аны тыңлап та була. Яхшырак укырга өйрәнергә телибезме яки яңа тел өйрәнәбезме, шәхси өйрәнү вакытында басмаларны тыңлау безгә бу өлкәләрдә аеруча булыша ала.
3. Безнең территориябездә аудиоязмалар кем өчен файдалы булыр?
3 Вәгазьдә. Кешеләрнең укыр өчен вакытлары булмаса, алар, бәлки, яудиоязмаларны тыңларга теләр. Без вәгазьдә чит телдә сөйләшүче кешене очрата алабыз. Ул, бәлки, Патшалык хәбәрен «туган телендә» ишетеп, аны теләп кабул итәр (Рәс. 2:6—8). Кайбер җирләрдә кешене тыңлау — культураның мөһим бер үзенчәлеге. Мәсәлән, хмонг культурасында кешеләр үз халкының тарихын киләсе буыннарга телдән-телгә тапшыра. Шунысы кызык: алар мәгълүматны төгәл тапшыра. Африкадагы күп кенә культураларда да кешеләргә сабак алырлык хикәяләрне тыңлау ошый.
4. Үзебезгә нинди сораулар биреп була?
4 Сезнең территориягездә кешегә туган телендә берәр аудиоязманы тыңлап карарга бирсәгез, бу урынлы булырмы? Кешегә электрон почта аша андый аудиоязмаларны җибәреп буламы? Кызыксынган кешегә CD-дискка яздырылган аудиоязмаларны бирә алабызмы? Бәлки, аны бастырылган басма белән бергә биреп буладыр. Кешегә электрон форматта тулы китап, брошюра, журнал яки буклет бирсәгез, аны отчетка кертергә кирәк. Аудиоязмалар безгә шәхси өйрәнүебездә һәм Патшалык орлыкларын таратуда булыша (1 Көр. 3:6).