Сугыш дәһшәте
Сугыштан да күбрәк кайгы китергән нәрсә бар микән? Сугышны үз күзләре белән күргән солдатлар да, гади кешеләр дә аның никадәр дәһшәтле булганын белә.
СОЛДАТЛАР
«Сугышта син һәрвакыт кешеләрнең яраланганын һәм үлгәнен күрәсең. Синең үзеңә дә гел куркыныч яный» (Гари, Бөекбритания).
«Сугышта минем битем һәм аркам җәрәхәтләнгән иде. Мин күп кенә кешенең, шул исәптән балаларның һәм олы яшьтәгеләрнең, үлемен үз күзләрем белән күрдем. Сугыш кешене каты бәгырьле итә» (Уилмар, Колумбия).
«Берәр кешене синең күз алдыңда атып үтерсәләр, бу күренешне һич онытып булмый. Син бу кешенең кычкыруын, ыңгырашуын һаман да ишетәсең кебек. Моны хәтердән сызып ташлап булмый» (Зафира, АКШ).
ГАДИ КЕШЕЛӘР
«Мин беркайчан да кабат бәхетле була алмам дип уйладым. Мин үз тормышым һәм бигрәк тә туганнарымның һәм дусларымның тормышлары турында борчылдым» (Александра, Украина).
«Ризык алыр өчен, без иртәнге икедән алып кичке унбергә кадәр чиратта басып тора идек. Анда торганда, теләсә кемгә пуля эләгә ала иде. Без бик нык курыктык» (Далер, Таҗикстан).
«Сугыш аркасында мин әти-әнисез калдым. Мине юатыр һәм кайгыртыр кешем калмады» (Мари, Руанда).
Сугыш бу кешеләрнең күңелләрендә тирән яра калдырса да, алар юаныч тапкан. Алай гына да түгел, алар бар сугышларның һәм бәрелешләрнең тиздән юк булачагына инанган. Изге Язмаларда моның ничек булачагы турында нәрсә әйтелә? Әйдәгез белик.