Яхшы шартлар булдырыгыз

Сез шәхси өйрәнүнең үзегезгә күбрәк файда китерүен телисезме? Моның өчен яхшы шартлар булдырыгыз. Кайбер киңәшләргә игътибар итик.

• Уңайлы урын сайлагыз. Мөмкин булса, пөхтә һәм якты урын табыгыз. Сез өстәл артына утыра аласыз, я урамда берәр уңайлы урын табып була.

• Аулак урын табыгыз. Гайсә, дога кылыр өчен, «иртән иртүк» «аулак урынга» барган (Марк 1:35). Ялгызы гына кала алмасагыз, өйдәгеләрегезгә кайчан өйрәнергә җыенганыгызны әйтегез һәм үзегезне борчымаска сорагыз.

• Игътибарыгызны читкә юнәлтмәгез. Өйрәнер өчен телефоныгызны я планшетыгызны куллансагыз, аны тавышсыз режимга я хәтта «самолет» режимына күчерегез. Берәр нәрсә эшләргә кирәклеге искә төшсә, моны соңрак эшләгез. Онытмас өчен, моның турында язып куегыз. Игътибарыгыз читкә китә башласа, бераз йөреп я күнегүләр ясап алыгыз.