EKICWEKA 3

Obwomezi Bukaba Nibusisana Buta omu Rugonjo rwa Ruhanga?

Yahwe akaha Adamu na Hawa ebintu bingi ebirungi. Okubanza 1:28

Yahwe obw’amara kuhanga Hawa, amuha Adamu

Yahwe akahanga omukazi ayabandize, arukwetwa Hawa kandi y’amuha Adamu kuba mukazi we.—Okuruga 2:21, 22.

Yahwe akabahanga n’ebitekerezo kandi n’emibiri ebikaba bihikirire, bitaineho kamogo koona.

Adamu na Hawa baroleriire eka y’abo enungi

Baikaraga omu rugonjo rwa Adeni—ekiikaro ekyabaire kirungi muno, kirumu omugera, emiti y’ebijuma n’ebisoro.

Yahwe yabazaga n’abo; kandi yabegesaga. Kakuba bamuhulirize, bakwikaireho ebiro byoona omu Rugonjo Rwe omu nsi.

Haroho omuti Ruhanga ogu yabagambire batalyaho. Okubanza 2:16, 17

Omuti oguli hagati omu rugonjo Yahwe ogu y’atangire Adamu na Hawa kulya

Omu rujonjo hakaba harumu omuti Yahwe ogu yayolekere Adamu na Hawa, yabagambira ngu obu balirya ha bijuma byagwo balifa.

Maraika omubi, Setani Diabolo, n’akozesa enjoka kubaza na Hawa

Omu ha bamaraika akajeemera Ruhanga. Maraika ogu omubi nuwe Setani Diabolo.

Setani akaba atarukugonza Adamu na Hawa kworobera Yahwe. Nahabwekyo akakozesa enjoka kugambira Hawa ngu obu yakulire ekijuma kuruga ha muti ogu, tiyakufiire, baitu yakubaire nka Ruhanga. Ekyo kikaba kisuba mali.—Okubanza 3:1-5.