EKICWEKA 4

Bakahuliriza Setani—Biki Ebyarugiremu?

Adamu na Hawa batorobere Ruhanga, n’ekyarugiremu bakafa. Okubanza 3:6, 23

Hawa n’alya ekijuma ekibabatangire kandi n’aha Adamu

Hawa akahuliriza enjoka yalya ekijuma. Hanyuma akaherezaho Adamu nawe yalya.

Adamu na Hawa nibaruga omu ka y’abo enungi

Eki bakozire kikaba kitahikire—kikaba kibi. Ruhanga akababinga omu Rugonjo.

Obwomezi bwabu n’obw’abaana baabu bukeyongera kubagumira. Bakakaikura kandi baafa. Busaho hantu hoona hali bagenzere; bakaba batakyaroho.

Abafiire bali nk’ecucu; tibaine bwomezi. Okubanza 3:19

Abantu kuruga omu mahanga agarukwahukana kandi omu busumi oburukwahukana

Itwena tufa habwokuba tukaruga omu Adamu na Hawa. Abafiire tibarukusobora kurora, kuhu’ra rundi kukora ekintu kyoona.—Omugambizi 9:5, 10.

Ekaba etali ntekaniza ya Yahwe abantu kufa. Omu kasumi akatali kahara naija kuhumbuura ababyamire omu kufa. Obu baramuhuliriza, nibaija kwomeera ebiro byoona.