Enyanjura y’Ekicweka 14

Abakristaayo ab’okubanza bakatebeza amakuru amarungi ag’Obukama omu bicweka bingi eby’omu nsi. Yesu akabaragira ebiikaro nambere basemeriire kutebeza kandi akabaha obusobozi bw’okwegesa abantu omu ndimi zaabo. Yahwe akabaha obumanzi hamu n’amaani ag’okubakonyera kuraba omu kuhiganizibwa.

Yesu akoleka omukwenda Yohana ekitinisa kya Yahwe kurabira omu kwolekwa. Omu kwolekwa okundi, Yohana akarora Obukama bwa Ruhanga nibusingura Setani n’ekitebe kye. Yohana akarora Yesu nalema nk’Omukama hamu n’abalemi 144,000. Akongera yarora ensi yoona efookere rugonjo kandi erumu abantu abarukuramya Yahwe omu businge n’omu bumu.