Omulingo gw’Okukozesaamu Akatabu Kanu

Ha mpapura ezi kuhonderaho, haroho ekyahandiikirwe kya buli kiro n’ebigambo ebirukukibazaaho. N’obu kiraaba ngu ekyahandiikirwe n’ebi kukisoborraho n’osobora kubisoma obwire bwona omu kiro eki, abarukukira kibagasira muno obu bakisoma obwire bwa nyenkyakara. Kinu kibakonyera kumara ekiro kyona nibaijuka ebi basomere omu kyahandiikirwe eki. Nikiija kuba ky’omugaso muno kakuba mukibazaaho nk’eka. Beseri omu nsi yoona zekebiija ekyahandiikirwe ekya buli kiro ha bwire obw’okulya ekya nyenkyakara.

Ebirukubazibwaho omu buli kyahandiikirwe biihirwe omu Omunaara gw’Omulinzi (w), ogwaturukire kutandika na Apuli 2023 kuhika Maaci 2024. Enamba ezirukuhondera omwaka n’okwezi nambere Omunaara gw’Omulinzi ogu gwaturukiire, nizooleka orupapura n’akacweka rundi obucweka nambere ebirukubazibwaho osobora kubisanga. (Rora nk’oku kirengesaniziibwe hansi.) Ebirukubaza ha nsonga egi ebirukukiraho nibisobora kusangwa omu kicweka ky’Omunaara.