Konyera Abeegi ba Baibuli Kwetantara Abanywani Ababi

Kusobora kufooka banywani ba Yahwe, abeegi ba Baibuli basemeriire kukomamu abanywani abarungi. (Zab 15:1, 4) Abanywani abarungi nibaija kubekambisa kukora ebihikire.​—Nfu 13:20; lff isomo 48.

Obworaaba n’okonyera abeegi baawe kwetantara abanywani ababi, kikole omu mulingo gw’embabazi. Nikisobora kubagumira kuleka abanywani ab’ensi. Nahabweki, booleke ngu n’obafaaho n’omu bwire obwotarukubegesa. Kinu nikitwarramu kubasindikira obutumwa, kubaterra esimu, rundi kubabungira. Obubarayeyongera kukurakurana, n’osobora kubaraaliza kubaho n’abaheereza ba Yahwe abandi. Obu nubwo barakirora ngu baliyo nibatunga abanywani abarungi kukira ababarukulengaho kuleka. (Mar 10:29, 30) Naiwe noija kutunga okusemererwa kurora eka ya Yahwe n’eyeyongera kugaliha.

MUROLE VIDIYO KONYERA ABEEGI BAAWE ABA BAIBULI KWETANTARA ABANYWANI ABABI, HANYUMA MUGARUKEMU EBIKAGUZO BINU:

• Abanywani ababi nubo baha?​—1Kol 15:33

• Jade akatekereza ngu kiki ekibaho Abakristaayo obubesorooza hamu kwesemezamu?

• Neeta akakonyera ata Jade kusobora kutunga abanywani abarungi?