Isomo 11

Enyikiriza n’Emizizo Ebitasemeza Ruhanga

Nyikiriza ki n’emizizo ki ebitahikire? (1)

Abakristaayo kibahikirire kwikiriza ngu Ruhaga w’Obusatu? (2)

Habwaki Abakristaayo ab’amananu tibakuza Krisimansi, Ppaasika, rundi ebiro by’amazaarwa? (3, 4)

Abafu basobora kurumya aboomezi? (5) Yesu akafera ha musalaba? (6) Kusemeza Ruhanga kikuru kwingana nkaha? (7)

1. Enyikiriza n’emizizo yona teri mibi. Baitu Ruhanga tabisiima kakusangwa biba nibisigikirra omu madiini ag’ebisuba rundi nibihakaniza enyegesa ya Baibuli.—Matayo 15:6.

2. Obusatu: Yahwe ali mu Busatu—abantu basatu omu Ruhanga omu? Nangwa! Yahwe, Isitwe, ali “Ruhanga omu ow’amananu.” (Yohana 17:3; Marako 12:29) Yesu nuwe Mwana We Omuzigaijo, kandi ali hansi y’obusobozi bwa Ruhanga. (1 Abakolinso 11:3) Isitwe naakira Omwana. (Yohana 14:28) Omwoyo ogurukwera tiguli muntu; gali maani ga Ruhanga agakora.—Okubanza 1:2; Engeso ezabakwenda 2:18.

3. Krisimansi na Ppaasika: Yesu atazaarwe hakya Desemba 25. Akazalirwa aho nka omu Okitobba 1, omu bwire bw’omwaka abaliisa baikaraga aheru ekiro nibalinda amagana gabu. (Luka 2:8-12) Yesu takaragiraga Abakristaayo kukuza amazaarwa ge. Oihireho akagamba abeegeswa be kwijukaga okufa kwe. (Luka 22:19, 20) Krisimansi n’obuzizo zizo bwayo biruga omu madiini agaira ag’ebisuba. Nukwo kiri naha buzizo zizo bwa Ppaasika, gamba nk’okukozesa amahuli nobu wakame. Abakristaayo abaakara batakuze Krisimansi rundi Ppaasika n’obubakuba Abakristaayo ab’amananu ab’omukasumi kanu.

4. Amazaarwa: Amazaarwa agakuzibwa gali ag’emirundi ebiri yonka agakubazibwaho omu Baibuli gakakuzibwa abantu ababaire batakuramya Yahwe. (Okubanza 40:20-22; Marako 6:21, 22, 24-27) Abakristaayo abaakara batakuze mazaarwa. Omuze gw’okukuza amazaarwa gukaruga omu madiini ag’ebisuba agaira. Abakristaayo ab’amananu bagaba ebisembo kandi basemererwa hamu omu bwire obundi n’obundi omu mwaka.

5. Kutiina Abafu: Abafu tibaina kibasobora kukora gonze kuhu’ra ekintu kyona. Titusobora kubakonyera, kandi tibasobora kuturumya. (Zabuli 146:4; Omugambizi 9:5, 10) Obwomezi bufa; tibweyongera kwomera hanyuma y’okufa. (Ezekyeri 18:4) Kyonka obundi n’obundi abamalaika ababi abeetwa embandwa, befora kuba emizimu y’abafu. Obuzizo zizo bwona obukukwatagana n’okutina rundi kuramya abafu tibuhikire.—Isaya 8:19.

6. Omusalaba: Yesu atafere ha musalaba. Akafera ha muti rundi ekikondo. Ekigambo ky’Oruyonaani ekihindurwa “omusalaba” omu Baibuli nyingi nikimanyisa empagi emu yonka ey’omuti. Akabonero k’omusalaba entandiko yako y’omu madiini ag’ebisuba agaira. Omusalaba gutakozesebwe n’obukwakuba okuramibwa Abakristaayo abaakara. Nahabw’ekyo, notekereza kyakubaire nikihika kukozesa omusalaba omukuramya?—Ekyebiragiro 7:26; 1 Abakolinso 10:14.

7. Kisobora kuba kizibu muno kuleka ezimu hanyikiriza zinu n’emizizo. Ab’oruganda n’abanywani bawe basobora kulengaho kukulemesa kuhindura enyikiriza yawe. Baitu kusemeza Ruhanga kikuru muno kukira kusemeza abantu.—Enfumo 29:25; Matayo 10:36, 37.

[Ekisisani ekiri ha rupapura 22]

Ruhanga tali mu Busatu

[Ekisisani ekiri ha rupapura 23]

Krisimansi na Ppaasika biruga omu madiini ag’ebisuba aga’ira

[Ekisisani ekiri ha rupapura 23]

Busaho nsonga yona ey’okuramya abafu rundi okubatiina