Habwaki Abakaiso ba Yahwe Batajaguza Pasika?
Ebintu ebitahikire ebikira kubazibwaho
Ekitahikire: Abakaiso ba Yahwe tibajaguza Pasika habwokuba tibali Bakristaayo.
Ekihikire: Twikiriza ngu Yesu Kristo nuwe mujuni waitu kandi twekamba ‘kukuratira ebigere bye.’—1 Petero 2:21; Luka 2:11.
Ekitahikire: Abakaiso ba Yahwe tibaikiriza ngu Yesu akahumbuuka.
Ekihikire: Twikiririza omu kuhumbuuka kwa Yesu kandi tukitwara nk’ekintu ekikuru ekitukonyera kugumya okwikiriza kwaitu nk’Abakristaayo kandi tikigambiraho n’abandi.—1 Abakolinso 15:3, 4, 12-15.
Ekitahikire: Abakaiso ba Yahwe bafeereza abaana baabo kwegonza ha kiro kya Pasika.
Ekihikire: Tugonza muno abaana baitu kandi tulengaho kubatendeka n’okubakonyera kutunga okusemererwa.—Tito 2:4.
Habwaki Abakaiso ba Yahwe batajaguza Pasika?
Kujaguza Pasika tikirukusigikirra ha Baibuli.
Yesu akaturagira kwijukaga okufa kwe baitu hatali okuhumbuuka kwe. Buli mwaka, twijuka okufa kwe ha kiro ekiyaferiiremu kusigikirra ha kalenda y’Abayudaaya.—Luka 22:19, 20.
Emigenzo eyakara eyakorwaga kuleetera abantu emigisa yaruzaaro ey’ekorwa ha Pasika tesemeza Ruhanga. Ruhanga nagonza abantu baramye uwe wenka kandi abiihirwa abantu obubamuramya omu mulingo ogw’atarukusiima.—Okuruga 20:5; 1 Ekyabakama 18:21.
Encwamu yaitu ey’okutajaguza Pasika esigikirra ha Baibuli kandi etutererra kukozesa “amagezi agomiire nokwekenga” omu kiikaro kyokuhondera emigenzo y’abantu. (Enfumo 3:21; Matayo 15:3) N’obukiraaba ngu abandi obubatukaguza ha Pasika, tubagambira Baibuli eky’egamba, tuteekamu ekitiinisa encwamu buli muntu eyarakora.—1 Petero 3:15.