Abakaiso ba Yahwe Becwaho abo Abakaba Bali omu Diini Yabo?

Abo abaabatiziibwe nk’Abakaiso ba Yahwe baitu tibakyatebeza, kandi obundi tibakyaija omu nsorrokano titubetantara. Oihireho tulengaho kubahikirra nukwo tubakonyere kwongera kwejumbira omu by’omwoyo.

Titumara gabinga buli muntu wena anyakukozere ekibi eky’amaani. Baitu kandi kakuba omu h’Abakaiso ba Yahwe anyakubatiziibwe, aikara nacwa emisingi ya Baibuli kandi atarukwegarukamu, naba aine kwetantarwa rundi kubingwa. Baibuli ekyoleka kurungi ngu: “Muihemu omubi ogu hagati omulinywe.”—1 Abakolinso 5:13.

Baitu kandi kakuba omusaija abingwa baitu mukazi we n’abaana bakaikara bakyali Bakaiso ba Yahwe? Enkoragana omu by’omwoyo ey’aine n’ab’omu ka ye ehinduka, baitu enkoragana nk’eka ikaraho. Mukazi we n’abaana be bagumizaamu nibamugonza kandi nibamutekamu ekitiinisa.

Ababingirwe nibasobora kuba omu nsorrokano zaitu. Kakuba baba nibagonza nibasobora n’okutunga obuhabuzi omu by’omwoyo kuruga hali abagurusi b’ekitebe. Ekigendererwa kiba kyokubakonyera kwongera kuba bamu h’Abakaiso ba Yahwe. Ababingirwe abecwaho engeso embi kandi bakooleka ngu nibagonza kwongera kuhondera endengo za Baibuli basobora kwongera nibafooka bamu h’Abakaiso ba Yahwe.