• Omulingo Tusobora Kukora Encwamu Enungi
    Wegondeze omu Bwomeezi Ebiro n’Ebiro!—Okwega Baibuli Okw’Okuleeta Hamu Ebiteekerezo

    • 5. Teekamu ekitiinisa omuntu ow’omunda ow’abandi

      Abantu abarukwahukana nibasobora kukora encwamu ezitarukusisana. Nitusobora kwoleka tuta ngu nitutekamu ekitiinisa omuntu ow’omunda ow’abandi? Tekerezaaho enyikara zinu ibiri:

      Enyikara 1: Munyaanya itwe ow’arukugonza kusiiga amaiso n’omunwa agenda omu kitebe nambere banyaanya itwe baingi batabaijuka obubarora ayesiigire.

      Musome Abarumi 15:1 na 1 Abakolinso 10:23, 24, hanyuma mubazeeho ebikaguzo binu:

      • Kusigikirra ha nkarra zinu, munyaanya itwe n’asobora kucwamu kukora ki? Orakora ki kakuba ekintu ekyorukukora kiba nikitabaijura omuntu ow’omunda owa mutaahi waawe?

      Enyikara 2: Ow’oruganda akimanyire ngu Baibuli tegamba ngu kibi kunywa amaarwa make, baitu acwamu kugalekera kimu. Araalizibwa ha kagenyi nambere arora ab’oruganda nibanywa amaarwa.

      Musome Omugambizi 7:16 na Abarumi 14:1, 10, hanyuma mubazeeho ebikaguzo binu:

      • Kusigikirra ha nkarra zinu, ow’oruganda n’asobora kucwamu kukora ki? Orakora ki kakuba orora omuntu ondi n’akora ekintu eky’omuntu waawe ow’omunda atarukukwikiriza kukora?

      Bintu ki ebitukonyera kukora encwamu enungi?

      Omukazi n’asaba.

      1. Saba Yahwe akukonyere kumanya eky’okukora.​—Yakobo 1:5.

      Omukazi nuwe omu n’akora okuseruliiriza n’akozesa Baibuli, ebitabu ebirukusigikirra ha Baibuli, hamu na kompyuta.

      2. Seruliiriza omu Baibuli n’omu bitabu ebirukusigikirra ha Baibuli kutunga emisingi erakukonyera. N’osobora n’okwekaguzaaho ab’oruganda na banyaanya itwe abakuzire omu by’omwoyo.

      Omukazi nuwe omu aliyo n’atekereza.

      3. Tekerezaaho omulingo encwamu yawe erakwataho omuntu waawe ow’omunda hamu nʼowʼabandi.

  • Habwaki Tusemeriire Kutekerezaaho Enjwara Yaitu n’Omulingo Twekoraho
    Wegondeze omu Bwomeezi Ebiro n’Ebiro!—Okwega Baibuli Okw’Okuleeta Hamu Ebiteekerezo

    • Itwena tugonza kwekomeramu engoye eziturajwara hamu n’omulingo turayekoraho. Kakuba tuhondera emu ha misingi ya Baibuli, nitusobora kukomamu ekiturukugonza kujwara kandi tukasemeza Yahwe. Leka tubazeeho emu ha misingi egi.

      1. Misingi ki ey’eratukonyera kukomamu ebiturajwara n’omulingo turayekoraho?

      Tusemeriire kukomamu “ebyokujwara ebisemiire, hamu nobuculezi nokwerinda,” kandi twikale tuli becumi nukwo abandi barole “okutina [okutwiniire] Ruhanga.” (1 Timoseo 2:9, 10) Tekerezaaho ensonga zinu inna: (1) Ebyokujwara byaitu bisemeriire kuba ‘ebisemeriire.’ Nk’oku osobora kuba orozere omu nsorrokano z’ekitebe, abaheereza ba Yahwe bajwara omu miringo erukwahukana, baitu enjwara yaitu n’omulingo tukoraho isoke lyaitu, byoleka ngu nitutamu Ruhanga ekitiinisa. (2) Tusemeriire kujwara kurungi, ekirukumanyisa tutajwara omu mulingo ogusobora kuletera abandi kuba n’ebitekerezo eby’obusiihani rundi ogurukwoleka ngu nitwetekerezaaho muno itwenka. (3) Twoleka ngu nitwerinda obututahondera buli mulembe gw’orugoye orukaizire. (4) Enzooka yaitu esemeriire kwoleka ngu tuli bantu ab’eby’omwoyo kandi ngu nituramya Ruhanga ow’amananu.​—1 Abakolinso 10:31.

      2. Habwaki tusemeriire kutekerezaaho Abakristaayo bagenzi baitu obuturukuba nitukomamu eky’okujwara?

      N’obikiraaba ngu twine obugabe kukomamu ekiturajwara, tusemeriire kutekerezaaho omulingo enjwara yaitu erakwataho abandi. Tukora kyona ekirukusoboka kutabiihiza abandi oihireho ‘tusemeza bataahi baitu omu burungi obwokwekambisa.’​—Soma Abarumi 15:1, 2.

      3. Omulingo tujwaramu nigusobora guta kuleetera abantu kugonza kumanya Yahwe?

      N’obukiraaba ngu tukira kujwara kurungi omu buli nyikara, tusemeriire kwegendereza omulingo tujwaramu kukira muno obuturukuba nitugenda omu nsorrokano rundi omu buheereza. Tusemeriire kukora kyona ekirukusoboka kurora ngu abantu tibahuguka kuruga h’amakuru amarungi habw’omulingo tujwairemu. Oihireho, nitugonza enzooka yaitu ebaleetere kugonza kumanya bingi kandi batemu “ekitinisa okwegesa Okwomujuni waitu Ruhanga.”​—Tito 2:10.

      YEGA EBIRUKUKIRAHO

      Tekerezaaho nk’oku omulingo tujwaramu n’enzooka yaitu bisobora kuleetera abandi kurora ngu mali tuli Bakristaayo ab’amananu.

      Abasaija babiri bemeriire omu maiso g’omuramuzi. Omusaija omu ajwaire suutu, kandi ondi ajwaire engoye ezitagatagukire n’esapeeho.

      Omulingo tuzookamu nigusobora kwoleka obuturaaba nitutamu ekitiinisa abantu abanyakwine obusobozi. N’obukiraaba ngu Yahwe arora ekiri omu mutima gwaitu, omulingo tuzookamu nagwo gusemeriire kwoleka ngu nitumutamu ekitiinisa

      4. Obutuba nituzooka kurungi twoleka ngu nitutamu Yahwe ekitiinisa

      Nsonga ki enkuru muno ey’etuleetera kukora kyona ekirukusoboka kurora ngu twazooka kurungi? Musome Zabuli 47:2, hanyuma mubazeeho ebikaguzo binu:

      • Kukimanya ngu nitukikirra Yahwe kisemeriire kukwataho kita omulingo tujwaramu?

      • N’otekereza ky’amagezi kufaaho omulingo turukuzookamu obuturukuba nitugenda omu nsorrokano rundi omu buheereza? Habwaki?

      5. Kiki ekisobora kutukonyera kukomamu ekiturajwara n’omulingo turayekoraho?

      Mutekeho VIDIYO.

      VIDIYO: “Mubikolege Byona Obwekitinisa kya Ruhanga” (10:18)

      N’obukiraaba ngu engoye zaitu za sente nyingi rundi za sente ntaito, zisemeriire kuba zecumi kandi niziisemerra buli nyikara eiturukuba turumu. Musome 1 Abakolinso 10:24 na 1 Timoseo 2:9, 10. Hanyuma mubazeeho ensonga habwaki tusemeriire kwetantara kujwara engoye . . .

      • ezitali zecumi rundi ezitarukwiziirra ha mukoro

      • ezirukukwatira ha mubiri, ezirukurorrana, rundi ezirukuleetera omuntu kuba n’ebiteekerezo eby’obusiihani

      N’obukiraaba ngu Abakristaayo tibali hansi y’Ebiragiro bya Musa, nibitwoleka entekereza ya Yahwe. Musome Ekyebiragiro 22:5, hanyuma mubazeeho ekikaguzo kinu:

      • Habwaki tusemeriire kwetantara kujwara rundi kwekoraho omu mulingo oguraleetera abasaija kusisana abakazi rundi abakazi kusisana abasaija?

      Musome 1 Abakolinso 10:32, 33 na 1 Yohana 2:15, 16, hanyuma mubazeeho ebikaguzo binu:

      • Habwaki tusemeriire kukora kyona ekirukusoboka kurora ngu omulingo turukuzookamu tigwatabaijura abantu nambere turukwikara rundi omu kitebe?

      • Miringo ki ey’okujwara n’okwekoraho ey’ekanyire nambere orukwikara?

      • N’otekereza emu ha miringo egi tesemiire hali Omukristaayo? Habwaki?

      Nitusobora kujwara kandi tukekoraho omu miringo ey’erukwahukana baitu tukasemeza Yahwe

      Abasaija n’abakazi ab’emyaka, erangi, hamu n’amahanga ebirukwahukana baine amasoke agarukwahukana kandi bajwaire n’engoye ezirukwahukana baitu ezisemeriire Abakristaayo.

      ABANTU ABAMU BAGAMBA: “Nyine obugabe kujwara ekindukugonza.”

      • Iwe n’otekereza ki? Habwaki?

      OYEGERE KI?

      Obutukora encwamu enungi obukirukuhika ha by’okujwara n’omulingo twekoraho twoleka ngu nitutamu Yahwe hamu n’abandi ekitiinisa.

      Kweijukyamu

      • Habwaki enjwara yaitu n’omulingo twekoraho bikuru hali Yahwe?

      • Misingi ki ey’eratukonyera kukora encwamu enungi obukirukuhika ha mulingo tusemeriire kuzookamu?

      • Enzooka yaitu n’esobora eta kukwataho omulingo abandi baroramu okuramya okw’amananu?

      Lengaho Kinu

      SERULIIRIZA

      Rora abandi ekibasobora kutekereza kakuba barora omulingo ojwairemu.

      “Ninzooka Nta?” (Ekicweka kinu kiri ha mukura)

      Manya habwaki kikuru kubanza kutekereza otaketiire tatu.

      “Baibuli Egamba Ki ha Kweteera Tatu?” (Ekicweka kinu kiri ha mukura)

      Tekerezaaho emisingi endi ey’esobora kutukonyera kukora encwamu enungi.

      “Omulingo Ojwaramu Guhaisa Ruhanga Ekitiinisa?” (Watchtower, eya Sebutemba 2016)

      Omukazi omu ow’akaba n’agonza kumanya Ruhanga akegera ata ha mulingo abandi baajwaramuga?

      “Kujwara n’Okwekoraho Byantabaijuraga” (Awake!, eya Desemba 22, 2003)