ISOMO 34
Nitusobora Tuta Kwoleka ngu Nitugonza Yahwe?
N’oyehurra oyeyongiire kugonza Ruhanga kuruga otandika kwega Baibuli? Wakugondeze kugumizaamu n’ogumya enkoragana yaawe nauwe? Obukiraaba nukwo kiri, ijuka ngu Yahwe obw’ararora okugonza okw’omwiniire nikweyongera, naija kweyongera kukugonza n’okukufaaho. N’osobora ota kumwoleka ngu n’omugonza?
1. Nitusobora tuta kwoleka Yahwe ngu nitumugonza?
Twoleka Yahwe ngu nitumugonza obutumworobera. (Soma 1 Yohana 5:3.) Tahambiriza omuntu weena kumworobera. Oihireho aha buli omu haliitwe omugisa gw’okwecweramu kumworobera rundi kutamworobera. Habwaki? Yahwe nagonza “tumworobere kuruga ha mutima.” (Abarumi 6:17, NWT) Eki nikimanyisa ngu, nagonza omworobere hatali habwokuba oine kukikora baitu habwokuba n’omugonza. Ekicweka 3 na 4 biteekaniziibwe kukukonyera kwoleka okugonza okwoiniire Yahwe kurabira omu kukora ebirukumusemeza n’okwetantara ebirukumubiihiza.
2. Habwaki nikisobora kutugumira kwoleka okugonza kwaitu hali Yahwe?
“Emihito yowokuhikirra ka mingi.” (Zabuli 34:19) Itwena twikara niturwanisa obutahikirra bwaitu. Kandi nitusobora n’okuhikwaho ebizibu omu byentahya, obutalibwinganiza, hamu n’ebizibu ebindi. Kakuba tuhikwaho ebizibu, nikisobora kutatwanguhira kukora Ruhanga ebyarukutwetaagisa. Eki kiri kiti habwokuba nitusobora kwanguhirwa kukwata omuhanda ogutahikire. Baitu obw’orakora Yahwe ekyarukukugambira n’obwesigwa, noija kuba n’omwoleka ngu n’omugonza kukira ekintu ekindi kyona. Kandi kakuba oyoleka ngu oli mwesigwa hali uwe, nauwe ‘talikuleka na kake.’—Abaheburaniya 13:5.
YEGA EBIRUKUKIRAHO
Manya ensonga habwaki kisemeza Yahwe obw’omworobera, kandi n’ekirakukonyera kwikara oli mwesigwa hali uwe.
3. Ensonga ey’erukukukwataho
Kusigikirra ha kitabu kya Yobu, Sitaani atajunaane Yobu wenka, baitu akajunaana n’abantu boona abarukugonza kuheereza Yahwe. Musome Yobu 1:1, 6–2:10, hanyuma mubazeeho ebikaguzo binu:
Kusigikirra hali Sitaani, habwaki Yobu akaba n’ayorobera Yahwe?—Rora Yobu 1:9-11.
Sitaani najunaana ki abantu boona, otwaliremu naiwe?—Rora Yobu 2:4.
Musome Yobu 23:11-12, hanyuma mubazeeho ekikaguzo kinu:
Yobu akooleka ata ngu n’agonza muno Yahwe?
Yobu akooleka ngu n’agonza Yahwe kurabira omu kwikara ali mwesigwa hali uwe
Twoleka ngu nitugonza Yahwe obutwikara tuli besigwa hali uwe
4. Leetera omutima gwa Yahwe okusemererwa
Musome Enfumo 27:11, hanyuma mubazeeho ebikaguzo binu:
Yahwe ayehurra ata obw’oba w’amagezi kandi okamworobera? Habwaki?
5. Nosobora kuba mwesigwa hali Yahwe
Okugonza okutwiniire Yahwe kutwekambisa kumugambiraho abandi. Obwesigwa bwaitu hali uwe butwekambisa kukikora n’obukiba kitanguhire. Mutekeho VIDIYO, hanyuma mubazeeho ebikaguzo ebirukuhonderaho.
Haroho obukikugumira kugambiraho abandi hali Yahwe?
Omu vidiyo, kiki ekyakonyire Grayson kuleka kutiina?
Kyanguhire kuba besigwa hali Yahwe obutugonza ebintu eby’agonza kandi tukanoba eby’anoba. Musome Zabuli 97:10, hanyuma mubazeeho ebikaguzo binu:
Kusigikirra ha bintu eby’oyegere, bintu ki ebimu Yahwe eby’agonza? Bintu ki ebimu eby’anoba?
N’osobora ota kwega kugonza ebirungi kandi okanoba ebibi?
6. Tugasirwa obutworobera Yahwe
Kworobera Yahwe kirungi obwire bwona. Musome Isaya 48:17, 18, hanyuma mubazeeho ebikaguzo binu:
Notekereza nitusobora kwesiga ngu Yahwe amanyire ebirukutugasira? Habwaki?
Kwega Baibuli n’okwegaho Yahwe Ruhanga ow’amananu bikugasiire bita?
ABANTU ABAMU BAGAMBA: “Ebikorwa byange tibiine mulingo birukukwataho Ruhanga.”
Kyahandiikirwe ki eky’osobora kukozesa kubooleka ngu ebikorwa byaitu nibisobora kubihiiza Yahwe rundi kumusemeza?
OYEGERE KI?
Twoleka ngu nitugonza Yahwe obutumworobera, n’obutukora ebyarukuturagira n’obwesigwa n’obukiba kitanguhire.
Kweijukyamu
Ekyokurorraho kya Yobu kikwegeseze ki?
Noija kwoleka ota ngu n’ogonza Yahwe?
Kiki ekirakukonyera kwikara oli mwesigwa hali Yahwe?
SERULIIRIZA
Manya omulingo osobora kuba mwesigwa hali Yahwe hamu n’ekitebe.
Manya ebirukukiraho ha mulingo Sitaani arukujunaana abantu.
“Yobu Alinda Obwesigwa Bwe” (The Bible—What Is Its Message? ekicweka 6)
Manya omulingo n’abaana basobora kwolekamu okugonza kwabo hali Yahwe.
Ensingaanto abatunga okusindikirizibwa kuruga hali bataahi babo nibasobora bata kwikara bali besigwa hali Yahwe?