LAYIBULARE YA PA INTANETI ya Watchtower
Watchtower
LAYIBULARE YA PA INTANETI
Chitumbuka
  • BAIBOLO
  • MABUKU
  • MAUNGANO
  • be p. 71-p. 73 ndime 3
  • Kuyowoyeskana Kwizira mu Makarata

Vidiyo palije.

Phepani, pali suzgo linyake.

  • Kuyowoyeskana Kwizira mu Makarata
  • Sangani Candulo na Sukulu ya Uteŵeti wa Ciuta
  • Mitu Yichoko
  • Nkhani Zakuyanako na Iyi
  • Kupharazga Kwizira mu Karata
  • Fundo Zakudumura za Umo Mungalembera Karata
  • Kalembero Kakwenerera
  • Kalata Yakuyelezgera
    Kabuku ka Maungano ka Uteŵeti na Umoyo Wachikhristu—2019
  • Ivyo Vingatovwira Kuti Tiŵe Ŵaluso mu Uteŵeti—Kulemba Makalata Ghawemi
    Kabuku ka Maungano ka Uteŵeti na Umoyo Wachikhristu—2019
Sangani Candulo na Sukulu ya Uteŵeti wa Ciuta
be p. 71-p. 73 ndime 3

Kuyowoyeskana Kwizira mu Makarata

MAKARATA ghapangiska kuti umoyo na nkaro ya ŵantu ŵanandi visinte. Ghanandi mwa mabuku gha mu Malemba gha Cikristu gha Cigiriki ghakaŵa makarata. Ise nase mu nyengo yithu yino tingalemba makarata kuti tikhozge ŵacasono, tiyowoyeskane na mabwezi ghithu, kuti tikhuŵirizge ŵabali na ŵadumbu awo ŵayamba milimo ya padera, kukhozga awo ŵakukumana na masuzgo, ndiposo kurongosora cimanyisko cakovwira cakuyowoya za kendeskero ka ncito za mpingo.—1 Tes. 1:1-7; 5:27; 2 Pet. 3:1, 2. 

Kulemba karata ndi ntowa yimoza yiwemi yakupharazgira. Mu vigaŵa vinyake mungaŵa mizi yinyake ndiposo malo ghanyake agho ŵakuzomerezga bweka cara kuti muntu waruteko, anteura cikuŵa cakusuzga kuti tikapharazgeko mwakufwatuka. Ŵantu ŵanyake ŵakutemwa kwendendeka nyengo na nyengo, anteura tikupambana nawo para tikupharazga kunyumba na nyumba. Ŵanji ŵakukhala ku malo gha ŵekha.

Urwari, kaciro ka zuŵa ilo, languro lakuti muleke kufumapo panyumba pinu vingamupangiskani kuti mukhale pamalo ghamoza. Kasi cingaŵa camacitiko kuti mulembe karata kwa mbali winu wakuthupi panji kwa yunji uyo mukadumbiskana naye panyengo yinyake? Kasi musambiri winu wa Baibolo munyake wasamuka? Kumulembera karata musambiri winu kungamovwira comene kuti warute pantazi mwauzimu. Mutepanji nyengo zinyake mungalembera karata awo ŵatorana sono kuti muŵakhuŵirizge kwizira mu Malemba, panjiso mungakhuŵirizga awo mbali wawo walikufwa.

Kupharazga Kwizira mu Karata

Para mukulemba karata yakuti m’mupharazgire muntu uyo mundawonanepo na kale, cakudanga jipharani mwaŵene. Mungalongosora kuti mukucita ncito iyo yikucitika mu vyaru vinandi. Para mwawona kuti cingaŵa cakwenerera, mungajiphara kuti ndimwe yumoza wa Ŵakaboni ŵa Yehova. Pharani cifukwa ico mwalembera karata mu malo mwakuruta mwekha kunyumba kwake. Muyilembe karata yinu nga ndi para kuti mukuyowoya naye maso na maso. Mwakusazgirapo, mwakurondezga urongozgi wakuti “muŵenge ŵakucenjera nga ndi zinjoka, na ŵakuzika nga ndi zinkhunda,” mukwenera kuwoneseska kuti mwamupa cimanyisko cekha ico ncakwenerera cakhukhwaskana na imwe.—Mat. 10:16.

Mu karata yinu, lembanimo fundo izo mwate mumuphalirenge usange murutenge kunyumba kwake. Mungasanka mtundu wa upharazgi mu buku la Kukambitsirana, panji gwiriskirani ncito upharazgi wakuzikika mu Malemba uwo ukusangika mu Uteŵeti Withu Waufumu wupya. Mungamufumba fumbo, ndipo mupempeni kuti waghanaghanirepo fumbo ilo. Ŵapharazgi ŵanji ŵakurongosora kuti tili na programu yakuzgora mafumbo gha mu Baibolo iyo yikucitika mwawanangwa. Mungalembamo mu karata iyo vinyake mwa vipaturo vyakufumira mu mabuku agho tikusambizgira ŵantu. Ciyerezgero ca umo karata ya uthenga wa upharazgi yikwenera kuŵira cili pa peji 73. Mungasambirapo fundo pa karata iyi kweni imwe pakulemba mungalembanga ndendende na umo iyi yiliri cara. Kucita nteura mbwenu ndiko kuti ŵantu ŵapokerenge karata zakuyana waka mwakuwerezgawerezga.

Ŵantu ŵanyake ŵakutemwa cara kuŵazga karata iyo njitali comene yakufuma kwa muntu uyo ŵakumumanya yayi. Anteura cingaŵa camahara kuti karata yinu yiŵe yifupi. Usange karata yinu njitali mbwenu uyo mwamulembera wangalekera pantowa kuyiŵazga cifukwa vingamulemera. Murombani kuti wize ku maungano pa Nyumba ya Ufumu. Pamoza na karata yinu mungatumizgaso trakiti, brosha, panji Gongwe la Mulinda panji Galamukani! ndipo longosorani kuti magazini agha wangamanya kupokera mwezi wuliwose usange wangatemwa kuti wapokerenge. Mungamupempaso usange cingaŵa camacitiko kuti imwe muzakarute kunyumba kwa muntu uyo mwamulembera karata kuti mukadumbirane naye nkani zinyake zakusazgikira pa nkani iyo mwadumbirana kale mu karata.

Fundo Zakudumura za Umo Mungalembera Karata

[Bokosi pa peji 73]

Sono wonani karata yakuyerezgera iyo yalembeka na cilato ca kupharazgira. Wonani vintu vyakurondezgapo ivi: (1) Iyo yikuwoneka makora, kuti yili bii cara. (2) Nanga kungaŵa kwakuti nevulupu yasoŵa, kweni uyo wamupokera karata iyo wamuwona zina na adiresi ya uyo watuma karata iyo. (3) Cilato ca karata iyi cayowoyeka makoraghene mu ndime yakudanga. (4) Ndime yiliyose yili na fundo yake. (5) Cifukwa ca kuzirwa kwa uthenga uwo yili nawo, karata iyi yalembeka mwakupwererera comene.

Para mulembi wa mpingo wakulembera karata kuruta ku ofesi ya muntavi, zina la mpingo likulembeka, zina la mulembi, adiresi yake na zuŵa la kulembera karata iyo vikulembekaso. Zina la muntu uyo mukumulembera karata na adiresi yake panji zina la wupu uko kukuruta karata iyo navyo vikulembeka. Panyuma pake mukulemba malonje. Pakumalizga karata, mukulemba mazgu ghakuti “Ndine winu” panji “Ndine” ndipo mazgu agha ghakulembeka pacanya pa sigineca yinu. Sigineca yinu yikwenera kulembeka na imwe.

Para mukulemba karata, woneseskani kuti mwalemba mazgu ghaunenesko, mwarondezga dango la kalembero, mwagaŵa mazgu mwakwenerera ndiposo woneseskani kuti karata yinu njautozi. Para mungalemba mwakurondezga ivyo vyayowoyeka apa, mbwenu uthenga wa karata yinu uzamuŵa wakuzirwa.

Kuwalo kwa nevulupu, pacanya pa kona la kumazere, lembanipo zina na adiresi yinu. Usange mwawona kuti ncambura kwenerera kulemba zina na adiresi yinu para mukupharazga kwizira mu karata kwa muntu uyo mukuleka kumumanya, fumbani ŵarara ŵa mpingo winu usange ŵangazomerezga kuti mulembe adiresi ya Nyumba yinu ya Ufumu. Para mukulemba karata yakupharazgira, lekani kugwiriskira ncito adiresi ya Watch Tower Society. Ici cingarongora nga ndi para karata iyo yafumira ku Watch Tower, ndipo ici cingaŵa cakutimbanizga comene. Usange muntu mwamutumira mabuku kweni mundalembe zina na adiresi yinu, ici cingarongoraso nga ndi para ofesi ya muntavi ndiyo yalemba karata iyo.

Para mwatumizga mabuku pamoza na karata yinu, woneseskani kuti mwalipira mtengo wakwenerera wa masitampu. Para mtengo wakutumizgira ngwambura kukwanira, mbwenu muntu uyo mwamulembera karata iyo ŵamumutcaja mtengo wa ndarama izo zapereŵera, ndipo ici cingapangiska kuti muntu uyo mwamulembera karata waleke kukondweskeka na uthenga winu. Manyani kuti mu vyaru vinandi para brosha panji magazini yatumizgika pamoza na karata, mtengo wakutumizgira ukuŵa ukuru kuruska wanyengo zose.

Kalembero Kakwenerera

Para mwamalizga kulemba karata yinu, yiŵazgani kuti muwone umo yalembekera. Kasi yikupulikikwa wuli? Kasi yalembeka mwaubwezi ndiposo mwaluso? Para tikucita vintu na ŵanyithu, tikwenera kurongora mikhaliro ya nga ndi citemwa na wezi. (Gal. 5:22, 23) Usange mwalemba karata iyo yingapereka cikhuŵazgo kwa munyinu, ipo mbwenu sintani kalembero kinu.

Karata yingaruta ku malo uko imwe mungatondeka kukafikako. Pa cifukwa ici, karata njakuzirwa comene pakupharazgira. Cifukwa cakuti karata yikwimira imwe na vigomezgo vinu, anteura pwerererani ivyo mwalemba kuti viri makora, kawonekero kake kakwenera kuŵa kawemi ndiposo uthenga uwo mwalemba ukwenera kuŵa wakupulikikwa makora. Kulemba karata ni ntowa yiwemi yakukhozgera muntu, panji kumukhuŵirizga kuti wambe kwenda mu ntowa yakuruta ku umoyo.

    Mabuku gha Chitumbuka (1982-2023)
    Fumani
    Njirani
    • Chitumbuka
    • Tumizgani
    • Ivyo Mukukhumba
    • Copyright © 2025 Watch Tower Bible and Tract Society of Pennsylvania
    • Malango
    • Phangano
    • Privacy Settings
    • JW.ORG
    • Njirani
    Tumizgani