MUTU 6

Kasi Ivyo Vikachitika pa Nyengo ya Chiwowota Vikutisambizgachi?

Chiuta wakaparanya ŵaheni kweni wakaponoska Nowa na mbumba yake. Genizesi 7:11, 12, 23

Chingalaŵa chikuyenjama, ŵaheni ŵakubira, ndipo ŵangelo ŵakugaluka ŵavura mathupi ghawo gha wunthu

Vula yikalokwa mazuŵa 40, muhanya na usiku, ndipo maji ghakazura charu chose. Ŵanthu ŵaheni wose ŵakafwa.

Ŵangelo ŵakugaluka ŵakaleka mathupi ghawo gha nyama na kuzgoka viŵanda.

Nowa, mbumba yake, na vinyama ŵakufuma mu chingalaŵa, ndipo chiŵingavula chawoneka mu mtambo

Awo ŵakaŵa mu chingalaŵa ŵakapona. Nangauli Nowa na mbumba yake ŵakafwa pakati pajumpha nyengo, kweni Chiuta wazamuŵawuska ndipo ŵazamuŵaso ŵamoyo kwamuyirayira.

Chiuta wazamuparanyaso ŵaheni na kuponoska ŵanthu ŵawemi. Mateyu 24:37-39

Satana na viŵanda vyake ŵali na nthowa zinandi zakupuluskira ŵanthu

Satana na viŵanda ŵakulutilira kupuluska ŵanthu.

Mazuŵa ghano, nga ni nyengo ya Nowa, ŵanthu ŵanandi ŵakukana ulongozgi wachitemwa wakufuma kwa Yehova. Sonosono apa, Yehova wazamuparanya ŵanthu ŵaheni wose.—2 Petrosi 2:5, 6.

Ŵakaboni ŵa Yehova ŵakupharazgira munthu Baibolo; munthu wakuŵa Baibolo

Ŵanthu ŵanyake ŵali nga ni Nowa. Ŵakutegherezga kwa Chiuta na kuchita ivyo wakuyowoya; Mbakaboni ŵa Yehova..