Ivyo Mungayowoya Pakugaŵira Magazini

Gongwe la Mulinda Janyuwale-Malici

“Ŵanthu ŵanandi ŵakuti Yesu wakati wababika waka, kukiza ŵavinjeru ŵatatu awo ŵakanyamura vyawanangwa vyakuzirwa. [Ŵazgani Mateyu 2:1, 11.] Kasi mwawona mphambano pakati pa ivyo Baibolo likuyowoya na ivyo ŵanthu ŵakuyowoya? [Mulekani wazgore.] Nkhani iyi yikulongosora ivyo vikacitika nadi.” Mulongorani nkhani iyo yili pa peji 23.

Galamukani! Febuluwale

“Ŵanyake ŵakugomezga kuti Mlengi waliko, kweni ŵanji ŵakuwona kuti nchambura mahara kugomezga kuti Mlengi waliko ndipo ŵakuti cigomezgo ici cikukolerana yayi na sayansi. Kasi imwe mukuti wuli? [Mulekani wazgore.] Baibolo likuti munthu wangaŵa na cipulikano canadi para wali na ukaboni. [Ŵazgani Ŵahebere 11:1.] Nkhani iyi yili na maukaboni ghanyake ghakuti Mlengi waliko nadi.” Mulongorani nkhani iyo yikwambira pa peji 22.

Gongwe la Mulinda Janyuwale-Malici

“Mazuŵa ghano, ŵanthu ŵanandi ŵalije cipulikano mwa Mlengi. Kasi mukughanaghana kuti nchifukwa wuli? [Mulekani wazgore.] Lemba ili likuyowoyapo cifukwa cinyake. [Ŵazgani Habakuk 1:2, 3.] Nkhani iyi yikovwira kuzgora mafumbo ghanyake agho kanandi ghakupangiska ŵanthu kuti ŵaleke kuŵa na cipulikano mwa Ciuta.” Mulongorani nkhani iyo yikwambira pa peji 11.

Galamukani! Malici

“Ŵanthu ŵanandi ŵakukondwa na kutowa kwa cilengiwa, ndipo mutepanji namwe mukukondwa naco. Kasi mukuzomerezga kuti cilengiwa cili kupangika mwaluso? [Mulekani wazgore. Ŵazgani Salmo 104:24.] Magazini iyi yili na viyelezgero vyakukondweska vyakulongora kuti cilengiwa cili kupangika mwapadera ndiposo yikulongosora ivyo ise tikusambirako.”