Ndondomeko ya Sabata ya Juni 28
SABATA YAKWAMBIRA PA JUNI 28
□ Sambiro la Baibolo la Mpingo:
lv cipaturo 8, ndime 19-26 na bokosi pa peji 94 na 96
□ Sukulu ya Uteŵeti wa Ciuta:
Kuŵazga Baibolo: 1 Mathemba 3-6
Kuweleramo mu Sukulu ya Uteŵeti wa Ciuta
□ Ungano wa Uteŵeti:
Mamin. 5: Vipharazgo.
Mamin. 15: Nozgekerani Kugaŵira Magazini mu Julayi. Kudumbiskana na ŵategherezgi. Kwa miniti yimoza panji ghaŵiri weleranimo nkhani za mu magazini. Pamanyuma, sankhani nkhani ziŵiri panji zitatu, ndipo pemphani ŵategherezgi kuti ŵasacizge mafumbo agho ŵangakafumba na malemba agho ŵangakaŵazga pakugaŵira magazini agha. Yezgelerani umo mungagaŵilira magazini yiliyose. Malizgani na ciyezgelero cinyake cakulongora umo mungayambiskira sambiro la Baibolo pa ulendo wakuwelerako.—Wonani km 8/07 peji 3.
Mamin. 15: Kusambizgika Kufuma ku Wanici. Kudumbiskana na ŵategherezgi. Timote wakamanyikwanga kuti ngwamwamphu ndiposo waluso pakupharazga. (Fil. 2:20-22) Wakaŵa nthena, cifukwa kwamba ku wanici wake wakasambizgika vinthu vyauzimu na anyina ndiposo abuya ŵake. (2 Tim. 1:5; 3:15) Masacizgo agho ghali pasi apa, agho ngakufuma mu Malemba ghawovwirenge ŵapapi umo ŵangasambizgira ŵana ŵawo kuti ŵaŵe ŵapharazgi ŵawemi. (1) Mwambe luŵiro kuluta na mwana winu m’munda, ndipo musambizgani kuti nayo wayowoyengepo mwakuyana na msinkhu ndiposo luso lwake. (Zinth. 22:6) (2) Longorani ciyelezgero ciwemi pakuŵika uteŵeti pa malo ghakwamba. (Fil. 1:9, 10) (3) Pa Nyengo Yakusopera ya Mbumba na nyengo zinyake yowoyani vinthu vyakovwira ŵana kuti ŵatemwenge mulimo wa kupharazga. (Dute. 6:6, 7) (4) Longorani kuti uteŵeti nguwemi kwizira mu vyakucita vinu ndiposo ivyo mukuyowoya. (Fil. 3:8; 4:8; 1 Tim. 1:12) (5) Mulutenge mu uteŵeti nyengo zose na mbumba yinu, ndipo kaŵe kaluso kinu kuluta mu uteŵeti. (Mil. 5:41, 42) (6) Ŵani paubwezi na awo mbateŵeti ŵamwamphu. (Zinth. 13:20) Pemphani ŵategherezgi kuti ŵayowoye ivyo ŵapapi ŵawo ŵakacita kuti ŵaŵawovwire kuti ŵamanye kupharazga mwaluso ndiposo kuti ŵakondwenge na uteŵeti.