Ivyo Mungayowoya Pakugaŵira Magazini

Gongwe la Mulinda Janyuwale—Malici

“Ŵanthu ŵa visopa vyakupambanapambana pa caru capasi ŵakulomba. Kasi mukughanaghana kuti Ciuta wakupulika nadi na kuzgora malurombo? [Mulekani wazgore.] Baibolo likuticiska kuti tilombenge. [Ŵazgani Ŵafilipi 4:6, 7.] Magazini iyi yikuzgora mafumbo ghankhondi na ghaŵiri agho ŵanthu ŵanandi ŵakufumba comene pa nkhani ya lurombo.”

Galamukani! Janyuwale

“Ŵanthu ŵanyake ŵakugomezga kuti ŵanthu awo ŵakusopa ŵakuyegheka waka, ŵalije vifukwa vyakupulikikwa vyakusopera. Kasi mukughanaghana wuli? [Mulekani wazgore.] Mwakuyana na Baibolo, pakwenera kuŵa vifukwa vyakupulikikwa vyakusopera. [Ŵazgani 1 Yohane 4:1.] Nkhani iyo yikwambira pa peji 28 yikulongosora umo tingacitira kuti tiŵenge na vifukwa vyakuŵira na cipulikano.”

Gongwe la Mulinda Janyuwale—Malici

“Kasi mukuzomerezga kuti mupapi uyo wakulera yekha ŵana wakuŵa na masuzgo ghanandi kuluska ŵapapi awo ŵakovwirana pakulera ŵana? [Mulekani wazgore.] Baibolo likuticiska kuti tikwenera kughanaghanira awo ŵakusuzgika. [Ŵazgani Salmo 41:1.] Nkhani iyo yikwambira pa peji 21 yikulongosora umo tingalongolera kuti tikughanaghanira mupapi uyo wakulera yekha ŵana.”

Galamukani! Febuluwale

“Vikuwoneka kuti ŵanthu ŵanandi ŵakunweka comene na mafilimu ghakulongora ŵanthu ŵakumwana ndopa, ufwiti, ndiposo kucita mayere. Kasi mukughanaghana kuti kucitako vinthu ivi nkhuwemi waka? [Mulekani wazgore.] Wonani ivyo Ciuta wakacenjezga Ŵaisrayeli mu nyengo yakale. [Ŵazgani Duteronome 18:10-12.] Magazini iyi yikulongora ivyo Baibolo likuyowoya vyakukhwaskana na vyamayere.”