Ivyo Mungayowoya Pakugaŵira Magazini

Gongwe la Mulinda Janyuwale—Malici

“Mazuŵa ghano kwazara ŵanthu awo ŵakukolelera ŵana. Kasi mukughanaghana kuti tingaŵavikilira wuli? [Mulekani wazgore] Wonani ivyo Baibolo likuciska ŵapapi. [Ŵazgani Duteronome 6:6-9] Nkhani iyo yikwambira pa peji 30 yikulongosora ivyo ŵapapi ŵangacita kuti ŵavikilire ŵana ŵawo.”

Galamukani! Febuluwale

“Cifukwa cakuti Baibolo ni buku lakale, ŵanthu ŵanyake ŵakuwona kuti likuneneska yayi pa nkhani za sayansi. Kasi imwe mukuti wuli? [Mulekani wazgore.] Ŵanandi ŵakuzizwa kuti Baibolo likuyowoya fundo iyi. [Ŵazgani Yesaya 40:22.] Nkhani iyo yikwambira pa peji 22 yikuzgora fumbo lakuti, Kasi sayansi na Baibolo vikukolerana?”

Gongwe la Mulinda Janyuwale—Malici

“Kasi mukuzomerezga kuti mupapi uyo wakulera yekha ŵana wakuŵa na masuzgo ghanandi kuluska ŵapapi awo ŵakovwirana pakulera ŵana? [Mulekani wazgore.] Baibolo likuticiska kuti tikwenera kughanaghanira awo ŵakusuzgika. [Ŵazgani Salmo 41:1.] Nkhani iyo yikwambira pa peji 21 yikulongosora umo tingalongolera kuti tikughanaghanira mupapi uyo wakulera yekha ŵana.”

Galamukani! Malici

“Pakuti tose tikulwara, tikudumbiskana na ŵanyithu vesi lakukhozga ili. [Ŵazgani Yesaya 33:24.] Para lemba ili lazakafiskika, kasi mukughanaghana kuti umoyo uzamuŵa wuli? [Mulekani wazgore.] Apo tikulindilira kuti Ciuta wazamusintha vinthu, pasono pali vinthu ivyo tose tingacita kuti tiŵe na umoyo uwemiko. Ndivyo magazini iyi yikulongosora.”